بلال عباس خان کا شمار پاکستانی ڈرامہ انڈسٹری کے صفِ اول کے نوجوان اداکاروں میں ہوتا ہے، انہوں نے کئی ڈراموں میں لازوال کردار ادا کر کے اپنی بہترین اداکاری کا لوہا منوایا۔

بلال عباس ہمیشہ منفرد کرداروں کا انتخاب کرتے ہیں اور انہیں بہترین انداز میں نبھاتے ہیں۔ وہ حال ہی میں ڈرامہ عشق مرشد میں شاہ میر/فضل بخش اور من جوگی میں ابراہیم کے کردار میں نظر آئے۔ جلد ہی وہ ہانیہ عامر کے ساتھ ڈرامہ میری زندگی ہے تُو میں جلوہ گر ہوں گے۔ ان کی سالگرہ کے موقع پران کے مداحوں کو ان کی ایک دل کو چھو لینے والی ویڈیو دیکھنے کو ملی جس میں وہ اپنے ولد کے ساتھ سیڑھیوں پر بیٹھے ہوئے تھے۔

واضح رہے کہ بلال عباس خان نے ہمیشہ ہی اس بات کا اظہار کیا ہے کہ وہ اپنے اہل خانہ سے بہت قریب ہیں۔ ان کے والدین اور بہن بھائی ان کی زندگی کا اہم حصہ ہیں۔ ان کا اپنے والد سے گہرا تعلق ہے،  جنہوں نے ان کے کیریئر میں ہمیشہ ان کا ساتھ دیا ہے۔

یہ بھی پڑھیں: محبت اور شادی کے لیے بہت کچھ دیکھنا پڑتا ہے، بلال عباس خان

 ان کی سالگرہ کے موقع پر ان کی ایک ویڈیو ان کے والد کے ساتھ سوشل میڈیا پر وائرل خوب وائرل ہورہی ہے۔

اس ویڈیو میں ان کے والد نے بلال کی خامیاں نہایت پیار بھرے انداز میں بیان کیں۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by (@bilalabbas_yousufzi)

بلال نے اپنے والد سے کہا کہ وہ ان کی تین خامیاں بتائیں، تو ان کے والد نے ہنسی مذاق کے انداز میں جواب دیا کہ بلال میں تو بہت سی خامیاں ہیں، مگر اگر تین بتانی ہوں تو: پہلی یہ کہ بلال بہت موڈی ہیں، دوسری یہ کہ وہ جیسے ہی جاگتے ہیں، فوراً اپنے والد کو بھی جگا دیتے ہیں۔ اور تیسری یہ کہ اگر بلال کو اچھا کھانا نہ ملے تو وہ چڑچڑے ہو جاتے ہیں۔ آخر میں ان کے والد نے محبت بھرے انداز میں کہا: ’’اللہ ہر والدین کو ایسا بیٹا عطا کرے۔‘‘

انٹرنیٹ پر لوگ اس خوبصورت باپ بیٹے کے رشتے کو بہت پسند کر رہے ہیں۔ ایک صارف نے لکھا: “باپ بیٹے کی جوڑی، ماشاءاللہ۔” ایک اور نے کہا: “ان کے والد بہت ہینڈسم ہیں۔” کسی نے کہا: “یہ سب سے پیاری ویڈیو ہے۔”  سوشل میڈیا پر اس ویڈیو کوکافی  سراہا جا رہا ہے۔