سردار جی 3: کیا ہانیہ عامر کا کردار ’اے آئی‘ سے تبدیل ہوگا؟ مداح الجھن کا شکار

ویب ڈیسک

25th Jun, 2025. 03:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سردار جی 3: کیا ہانیہ عامر کا کردار ’اے آئی‘ سے تبدیل ہوگا؟ مداح الجھن کا شکار

بھارتی فلم سردار جی 3 ریلیز سے قبل ہی ایک نئے تنازعے کا شکار ہو گئی ہے۔

اطلاعات کے مطابق فلم میں پاکستانی اداکارہ ہانیہ عامر کی موجودگی پر اعتراضات کے بعد سوشل میڈیا پر یہ افواہیں گردش کر رہی ہیں کہ ان کے مناظر کو آرٹیفیشل انٹیلیجنس (اے آئی) سے کسی بھارتی اداکارہ سے بدل دیا جائے گا۔

یہ قیاس آرائیاں اُس وقت زور پکڑ گئیں جب بھارت میں پاکستانی فنکاروں پر سرکاری پابندی کے باعث دیگر فلمیں، جیسے فواد خان کی ’عبیر گلال‘ مؤخر کی جا چکی ہیں، تاہم 22 جون کو ریلیز ہونے والے سردار جی 3 کے ٹریلر میں ہانیہ واضح طور پر نظر آئیں، جس سے افواہوں کی تردید ہوئی۔

مزید پڑھیں: ’سردار جی 3‘ کے گانے ’سوہنی لگدی‘ میں ہانیہ عامر کے حسن نے سحر زدہ کردیا

مرکزی اداکار دلجیت دوسانجھ پر بھارت میں تنقید کی جا رہی ہے جبکہ پاکستان میں ان کے اقدام کو سراہا جا رہا ہے، میکا سنگھ اور بی پراک جیسے فنکاروں نے فلم کی مخالفت کی ہے جبکہ سوشل میڈیا پر بائیکاٹ کی مہم جاری ہے۔

ابھی تک فلم سازوں یا دلجیت دوسانجھ کی طرف سے مصنوعی ذہانت سے متعلق کوئی باضابطہ وضاحت سامنے نہیں آئی جبکہ فلم کی اوورسیز ریلیز 27 جون کو متوقع ہے، جس کا پاکستانی شائقین کو بے صبری سے انتظار ہے۔