بینکاک: تھائی لینڈ میں ایک غیرمعمولی واقعہ اس وقت پیش آیا جب ایک جنگلی ہاتھی نے خوراک کی تلاش میں ایک سپر اسٹور کا رخ کیا اور وہاں موجود اشیائے خوردونوش سے لطف اندوز ہوا۔

25 سالہ ہاتھی، جس کا نام ’پلائی بیانگ لیک‘ بتایا گیا ہے، پیر کی سہ پہر ایک چھوٹے سپر اسٹور میں اچانک داخل ہو گیا۔

 سی سی ٹی وی فوٹیج کے مطابق ہاتھی تقریباً 10 منٹ تک دکان کے اندر گھومتا رہا اور اس دوران اس نے چاول کے میٹھے کیکس اور مرغی کے انڈے کھائے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by BOL News Breakings (@bolnewsbreakings)

Advertisement

/p>

تاہم، تقریباً 4 ٹن وزنی یہ ہاتھی دکان کی ایک تنگ گلی میں پھنس گیا، جہاں وہ چھت سے ٹکرا گیا، دکان کے مالک نے حاضر دماغی سے کام لیتے ہوئے ہاتھی کو باہر کی طرف دھکیلا اور بالآخر اسے محفوظ طریقے سے سڑک تک نکالنے میں کامیاب ہوگئے۔

دکان دار کے مطابق ہاتھی نے تقریباً 1,000 تھائی بھات (تقریباً 8,500 پاکستانی روپے) کا نقصان پہنچایا اور “بغیر بل ادا کیے” واپس روانہ ہو گیا۔

دکان دار نے بتایا کہ یہ پہلا موقع تھا کہ ہماری دکان میں کوئی ہاتھی آیا، ابتدا میں کافی تشویش ہوئی، مگر خوش قسمتی سے وہ پرامن انداز میں نکل گیا، حیرت کی بات یہ ہے کہ اس نے میٹھا کھایا، حالانکہ عموماً ہاتھی نمکین چیزوں کو ترجیح دیتے ہیں۔

واقعے کے بعد محکمہ جنگلی حیات کے اہلکار موقع پر پہنچے اور ہاتھی کو قریبی جنگل میں واپس لے گئے، حکام نے علاقے میں نگرانی بڑھا دی ہے تاکہ مستقبل میں ایسے واقعات سے بچا جا سکے۔

ماہرین کے مطابق تھائی لینڈ میں اس وقت تقریباً 3,500 جنگلی ہاتھی موجود ہیں اور حالیہ برسوں میں یہ رجحان دیکھنے میں آیا ہے کہ وہ جنگلی خوراک کے بجائے انسانی خوراک کی طرف راغب ہو رہے ہیں، گھروں، دکانوں اور حتیٰ کہ گاڑیوں میں موجود کھانے کی خوشبو انہیں اپنی طرف کھینچتی ہے۔

ورلڈ وائلڈ لائف فنڈ (WWF) کے مطابق ایک بالغ ہاتھی کو روزانہ اوسطاً 150 کلوگرام خوراک کی ضرورت ہوتی ہے جو اسے اکثر روایتی جنگلی پودوں سے حاصل نہیں ہوپاتی۔