بینک فراڈ کیس میں اداکارہ نادیہ حسین کی عبوری ضمانت کی توثیق

ویب ڈیسک

11th Jun, 2025. 03:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بینک فراڈ کیس میں اداکارہ نادیہ حسین کی عبوری ضمانت کی توثیق

ایڈیشنل ڈسٹرکٹ اینڈ سیشن جج جنوبی کی عدالت نے 53 کروڑ روپے کے مبینہ بینک فراڈ کیس میں معروف اداکارہ نادیہ حسین کی عبوری ضمانت کی توثیق کردی ہے جبکہ شریک ملزمان امتیاز چنہ اور فیصل محمود کی عبوری ضمانتیں منسوخ کردی گئیں۔

عدالتی فیصلے کے فوراً بعد دونوں ملزمان کمرہ عدالت سے فرار ہو گئے، سماعت کے دوران ایف آئی اے حکام عدالت میں موجود نہیں تھے، جس کا فائدہ اٹھاتے ہوئے ملزمان فرار ہونے میں کامیاب ہو گئے۔

کیس میں مرکزی ملزم، اداکارہ نادیہ حسین کے شوہر اور سابق بینک سی ای او عاطف خان پہلے ہی جوڈیشل ریمانڈ پر جیل میں موجود ہیں، ان پر 53 کروڑ روپے کی مبینہ مالیاتی خردبرد اور اختیارات کے ناجائز استعمال کا الزام ہے۔

یاد رہے کہ مقدمے کی تفتیش ایف آئی اے کارپوریٹ کرائم سرکل کراچی کر رہا ہے جبکہ اداکارہ نادیہ حسین اس مقدمے میں ضمنی ملزمہ کے طور پر شامل تفتیش ہیں۔