عائزہ خان نے صارفین کو سوشل میڈیا کے خطرات سے خبردار کردیا

ویب ڈیسک

05th Jun, 2025. 11:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عائزہ خان نے صارفین کو سوشل میڈیا کے خطرات سے خبردار کردیا

پاکستان کی معروف اداکارہ عائزہ خان نے حالیہ دنوں سوشل میڈیا پر بڑھتے ہوئے خطرات کے پیشِ نظر صارفین کو خبردار کیا ہے۔

ٹک ٹاکر ثنا یوسف کے افسوسناک قتل کے بعد اداکارہ عائزہ خان نے اپنی انسٹاگرام اسٹوری پر مداحوں کے لیے ایک شعور بیدار کرنے والا پیغام جاری کیا۔

عائزہ خان نے لکھا کہ سوشل میڈیا بلاشبہ ایک طاقتور ذریعہ ہے لیکن اس کے فوائد کے ساتھ نقصانات کو نظر انداز نہیں کیا جا سکتا، ہمارے جیسے معاشروں میں رہتے ہوئے سوشل میڈیا کا محتاط استعمال ناگزیر ہو چکا ہے۔
فوٹو بشکریہ انسٹاگرام

اداکارہ نے صارفین کو تلقین کی کہ وہ اپنی ذاتی معلومات جیسے گھر کا پتہ، گاڑی کا نمبر، معمولاتِ زندگی اور بچوں سے متعلق تفصیلات سوشل میڈیا پر شیئر کرنے سے گریز کریں کیونکہ اب ان چیزوں کا غلط استعمال آسان ہوگیا ہے۔

انہوں نے مزید کہا کہ سوشل میڈیا پر آپ کے فالوورز آپ کے کنٹرول میں نہیں ہوتے، لہٰذا ہر پوسٹ کے پیچھے سوچ سمجھ کر قدم اٹھانا چاہیے، آپ نہیں جانتے کہ کون آپ کی معلومات دیکھ رہا ہے۔

مزید پڑھیں: ثنا یوسف کے قتل پر شوبز شخصیات کا شدید ردعمل، انصاف کی اپیل

عائزہ خان نے اپنی پوسٹ کے اختتام پر دعا کرتے ہوئے کہا کہ اللّٰہ ہم سب کو اپنی حفظ و امان میں رکھے اور نیک لوگوں کا ساتھ نصیب فرمائے۔