عیدالاضحیٰ کے موقع پر جہاں شوبز ستارے روایتی ملبوسات اور دلکش انداز میں تصاویر سوشل میڈیا پر شیئر کر کے مداحوں کی توجہ کا مرکز بنے رہے، وہیں معروف اداکارہ صبا قمر نے اس بار مختلف طرز اپنایا، انہوں نے عید کے دنوں میں کوئی تصویر یا پیغام شیئر نہیں کیا، جس پر ان کے مداحوں میں تجسس پیدا ہوا۔

صبا قمر نے بالآخر انسٹاگرام اسٹوری پر خاموشی کی وجہ بیان کرتے ہوئے بتایا کہ میں نے اس بار جان بوجھ کر عید کی روایتی تیاریوں اور مصروفیات سے دوری اختیار کی۔

ان کا کہنا تھا کہ میرے پیارو! میں جانتی ہوں کہ آپ سب میری عید کی تصاویر دیکھنے کے منتظر تھے لیکن اس بار کوئی خاص جھلک دکھانے جیسا کچھ تھا ہی نہیں۔

اداکارہ نے بتایا کہ گزشتہ کئی مہینے کام اور سفر کی تھکن سے بھرپور تھے، جس کے بعد میں نے خود کو وقت دینے اور مکمل آرام کا فیصلہ کیا، میں نے پہلی بار محسوس کیا کہ مجھے یہ سب کرنے کی ضرورت نہیں ہے، میں نے ایک سادہ، سچا اور سکون بخش آرام چنا۔

صبا قمر نے بتایا کہ میں نے عید کے تین دن اپنے بالوں میں تیل لگا کر، پسندیدہ کھانے کھا کر اور خاموشی میں دعائیں مانگتے ہوئے گزاری، کبھی کبھی انسان کو خود سے جُڑنے اور سکون سے وقت گزارنے کی ضرورت ہوتی ہے۔

انہوں نے آخر میں اپنے چاہنے والوں کا شکریہ ادا کیا اور کہا کہ جلد ہی اپنی معمول کی روٹین میں واپس آجاؤں گی، آپ سب کا تہہ دل سے شکریہ کہ آپ مجھے ہمیشہ سمجھتے ہیں اور میری غیر موجودگی کو محسوس کرتے ہیں۔