لاہور: متنازع یوٹیوبر رجب بٹ کے خلاف توہین آمیز بیان بازی کے مقدمے میں اہم پیشرفت سامنے آئی ہے۔
سیشن عدالت لاہور میں معروف یوٹیوبر رجب بٹ کے خلاف توہین آمیز بیان بازی پر مقدمہ درج کرنے کی درخواست پر سماعت ہوئی۔
ایڈیشنل سیشن جج نے ابتدائی سماعت کے بعد نیشنل سائبر کرائم تحقیقاتی ایجنسی کو نوٹس جاری کرتے ہوئے جواب طلب کر لیا ہے۔
درخواست مقامی شہری شہزادہ عدنان کی جانب سے دائر کی گئی، جس پر ان کے وکیل مدثر چوہدری نے دلائل دیے۔
درخواست گزار کا مؤقف تھا کہ رجب بٹ نے سوشل میڈیا پر جاری ایک ویڈیو میں توہین آمیز الفاظ استعمال کیے، جس سے عوامی جذبات مجروح ہوئے۔
Advertisement
مزید پڑھیں: رجب بٹ ایک بار پھر قانون کی زد میں آگئے
درخواست میں مزید کہا گیا کہ نیشنل سائبر کرائم ایجنسی کو باضابطہ طور پر یوٹیوبر کے خلاف مقدمہ درج کرنے کے لیے درخواست جمع کروائی گئی، لیکن اس کے باوجود اب تک مقدمہ درج نہیں کیا گیا۔
Advertisement
درخواست گزار نے عدالت سے استدعا کی کہ وہ نیشنل سائبر کرائم تحقیقاتی ایجنسی کو یوٹیوبر رجب بٹ کے خلاف مقدمہ درج کرنے کا حکم دے۔
بعدازاں عدالت نے درخواست پر ابتدائی کارروائی کے بعد سائبر کرائم ونگ کو نوٹس جاری کرتے ہوئے آئندہ سماعت پر تفصیلی جواب طلب کر لیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
