معروف میک اپ آرٹسٹ اور اداکارہ نادیہ حسین نے چھیپا ویلفیئر ایسوسی ایشن کی ایک حالیہ وائرل ویڈیو پر ردعمل دیتے ہوئے طنزیہ انداز میں چھیپا ویلفیئر سے خود کو بطور کانٹینٹ کریئٹر رکھنے کی درخواست کی ہے۔

نادیہ حسین نے اپنے انسٹاگرام اکاؤنٹ پر ویڈیو کلپ شیئر کرتے ہوئے لکھا کہ براہِ کرم رمضان چھیپا صاحب، مجھے بطور کانٹینٹ کریئٹر رکھ لیں کیونکہ اب ایسی ناقص اور غیر معیاری ویڈیوز دیکھنے کی مزید سکت نہیں رہی۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Galaxy Lollywood (@galaxylollywood)

Advertisement

جس ویڈیو پر نادیہ حسین نے تنقید کی، اس میں ایک بیوی کو معمولی بات پر ناراض ہوکر میکے جاتے دکھایا گیا ہے، بعد ازاں اس کا شوہر اپنی والدہ کے ساتھ اُسے منانے جاتا ہے لیکن وہ راضی نہیں ہوتی، اس موقع پر چھیپا اچانک منظر میں آتے ہیں اور لڑکی کو سمجھاتے ہیں، جس پر وہ فوراً واپس جانے پر آمادہ ہو جاتی ہے۔

یہ پہلا موقع نہیں کہ چھیپا ویلفیئر ایسوسی ایشن کو اس نوعیت کے مواد پر تنقید کا سامنا کرنا پڑا ہو، اس سے قبل بھی ایک ویڈیو پر خاصی بحث ہوئی تھی، جس میں رمضان چھیپا ایک بچے کے سالگرہ کے کیک کے پیسے ادا کرتے ہوئے دکاندار سے کہتے ہیں کہ کیک پر یہ پیغام بھی لکھ دیا جائے کہ یہ تحفہ “چھیپا صاحب کی طرف سے” ہے اور ساتھ ہی وہ تاکید کرتے ہیں کہ بچے کو یہ نہ بتایا جائے کہ تحفہ کس نے دیا ہے، جس پر صارفین نے تضاد کی نشاندہی کرتے ہوئے انہیں شدید تنقید کا نشانہ بنایا تھا۔

نادیہ حسین کے تبصرے اور سوشل میڈیا پر عوامی ردعمل نے اس بحث کو دوبارہ زندہ کر دیا ہے کہ کیا فلاحی اداروں کو سماجی پیغامات کے نام پر اس نوعیت کی ڈرامائی ویڈیوز جاری کرنی چاہئیں یا نہیں۔