اسلام آباد: وزیراعظم شہباز شریف سے معروف کونٹینٹ کریئیٹر طلحہ احمد کی ملاقات کی جس دوران ٹیلنٹ کا اعتراف کرتے ہوئے انہیں اعزازی شیلڈ اور تحفہ دیا گیا۔
وزیراعظم محمد شہباز شریف سے پاکستان کے ابھرتے ہوئے ڈیجیٹل کونٹینٹ کریئیٹر طلحہ احمد نے ملاقات کی جس میں وزیراعظم نے ان کی تخلیقی صلاحیتوں اور ڈیجیٹل پلیٹ فارم پر کامیابی کو سراہا۔
ملاقات کے دوران وزیراعظم نے طلحہ احمد کو ان کے ٹیلنٹ کا باضابطہ اعتراف کرتے ہوئے اعزازی شیلڈ پیش کی جب کہ بطور تحفہ ایک جدید الیکٹرانک ٹیبلیٹ بھی دیا۔
وزیراعظم نے کہا کہ پاکستان کے نوجوان اور بچے آج کی ڈیجیٹل دنیا میں غیر معمولی صلاحیتوں کا مظاہرہ کر رہے ہیں جو قومی فخر کا باعث ہے۔
انہوں نے مزید کہا کہ طلحہ احمد پاکستانی قوم کی لامحدود استعداد کی ایک جیتی جاگتی مثال ہیں، جنہوں نے کم عمری میں اپنی محنت، لگن اور تخلیقی سوچ سے لاکھوں دل جیت لیے۔
Advertisement
طلحہ احمد نے وزیراعظم پاکستان کی جانب سے اس پذیرائی پر شکریہ ادا کیا اور اسے نہ صرف اپنے لیے بلکہ تمام ابھرتے ہوئے نوجوانوں کے لیے ایک اعزاز قرار دیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
