بڑے دعوے ،سوشل ٹرینڈزچلانے والے فنکار حمیرا اصغر کی تدفین میں غائب رہے۔ پاکستانی شوبز انڈسٹری نے اپنی بے حسی ایک بار پھر ظاہر کردی۔

تنہائی میں پراسرار موت صرف حمیرا اصغر کی ہی کہانی نہیں۔ ایسی ہی ان گنت کہانیاں شوبز انڈسٹری سے وابستہ ہیں ۔

حمیرا اصغر شاید اپنی زندگی میں اتنی مقبول نہ ہوں لیکن ان کی پراسرار موت نے انہیں مقبول ترین بنا دیا۔

موت کے اطلاع کے بعدسے وہ سوشل ٹرینڈز پر سرفہرست رہیں۔ خاندانی اختلافات کی کہانیاں،قتل کے شک و شبہات اور بڑے بڑے فسانے سنائی اور دکھائی دیے گئے۔

مگربڑے دعوے کرنے والے فنکار اورسوشل ٹرینڈزچلانے والے ساتھی اداکار جنازے اور تدفین سے غائب رہے۔

شوبز انڈسٹری کی کوئی ایک بھی بڑی شخصیت اس موقع پرکہیں دکھائی نہ دی۔ مقبولیت کے طلبگار یہ فنکار نہ جانے کس خوف سے غائب تھے۔

بہانے تو بے شمار ہوسکتے ہیں  مگرتلخ حقیقت یہی ہے کہ مقبولیت ہمیشہ گمنامی میں خاموش ہوجاتی ہے۔

 اہل خانہ نے گزشتہ روز میت وصول کرلی تھی اور تدفین کا اعلان بھی ہوچکا تھا۔ مگر شوبز انڈسٹری کی بے حسی ایک بار پھر کھل کر سامنے آگئی۔

ماڈل ٹاؤن قبرستان میں تدفین

قبل ازیں اداکارہ حمیرا اصغر کو لاہور میں سپرخاک کردیاگیا۔ ان کی میت ان کے اہل خانہ نے وصول  نے وصول کی۔ انہیں لاہور کے ماڈل ٹاؤن کے قبرستان میں سپرد خاک کیاگیا۔

اہل خانہ نے میت گھر لے جانے کے بجائے کراچی سے ماڈل ٹاؤن قبرستان منتقل کی اور تدفین کردی گئی۔ جہاں نمازِ جنازہ میں اہلِ خانہ اور قریبی عزیزوں نے شرکت کی۔

جھوٹی خبریں چلائی گئیں ،بیٹی کا معاملہ اللہ پر چھوڑتاہوں، والد

حمیرا اصغر کے والد کا کہناتھاکہ ان کی بیٹی کے ساتھ جو ہوا، اس کا حساب اللہ لے گا۔ انہوں نے میت نہ لینے کی خبروں کو بےبنیاد قرار دے دیا۔

والد کاکہناتھاکہ میڈیکل مرحلہ  مکمل ہونے تک میت لینا ممکن نہیں تھا۔

حمیرا اصغر کے چچا محمد علی نے کہا کہ ہمیں کراچی میں حمیرا اصغر کے گھر کا پتا نہیں تھا۔ان کاکہناتھاکہ حمیرا جب بھی لاہور آتی تھی گھر ضرور آتی تھی۔
مرحوم اداکارہ نے شوبز انڈسٹری کی منافقت کے حوالے سے کیا کہاتھا؟ جانئیے اس رپورٹ میں ۔