بیماری یا شوٹنگ؟ ہانیہ عامر کی نئی تصویر نے مداحوں کو تشویش میں مبتلا کردیا

ویب ڈیسک

04th Sep, 2025. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیماری یا شوٹنگ؟ ہانیہ عامر کی نئی تصویر نے مداحوں کو تشویش میں مبتلا کردیا

پاکستان کی معروف اداکارہ ہانیہ عامر کی ایک حالیہ انسٹاگرام پوسٹ نے ان کے مداحوں کو تشویش میں مبتلا کر دیا ہے، جس میں وہ آکسیجن ماسک لگائے ہوئے نظر آ رہی ہیں۔

تصویر میں اداکارہ کی حالت بظاہر کمزور دکھائی دے رہی ہے، تاہم وہ ہاتھ کے اشارے سے “ٹھیک” ہونے کا تاثر دینے کی کوشش کرتی نظر آئیں۔

ہانیہ عامر کی جانب سے اس طرح کی تصویر کا شیئر کیا جانا سوشل میڈیا پر بحث کا موضوع بن گیا ہے، مداحوں نے فوری طور پر ان کی خیریت دریافت کرتے ہوئے کمنٹس میں دعاگو ہونے کا اظہار کیا۔
Fans concerned as Hania Aamir shares picture with oxygen mask

کئی سوشل میڈیا صارفین نے خدشہ ظاہر کیا کہ شاید اداکارہ کسی بیماری میں مبتلا ہیں جبکہ بعض نے سوال اٹھایا کہ آیا یہ تصویر کسی ڈرامہ یا فلم کی شوٹنگ کا حصہ ہے۔

مداحوں نے ہانیہ عامر کے لیے نیک تمناؤں اور جلد صحتیابی کی دعاؤں کے ساتھ ان کی سابقہ خوش باش تصاویر بھی شیئر کیں، اس امید کے ساتھ کہ وہ جلد ہی اپنی پرانی مسکراہٹ کے ساتھ دوبارہ نظر آئیں گی۔

واضح رہے کہ ہانیہ عامر کی جانب سے تاحال اس تصویر کے حوالے سے کوئی وضاحت یا تصدیق سامنے نہیں آئی ہے، جس کی وجہ سے چہ مگوئیاں جاری ہیں۔