معروف یوٹیوبر سعد الرحمان المعروف ڈکی بھائی کو جوا ایپ کی پروموشن کیس میں لاہور کی ضلع کچہری میں پیش کیا گیا، جہاں عدالت نے ان کا مزید 2 روزہ جسمانی ریمانڈ منظور کر لیا۔
کیس کی سماعت لاہور کی مقامی عدالت میں ہوئی، جہاں یوٹیوبر کو سخت سیکیورٹی میں پیش کیا گیا، تاہم سماعت کا آغاز ان کے وکیل عثمان مشتاق کی تاخیر سے آمد کے باعث دس منٹ مؤخر ہوا۔
دورانِ سماعت وکیل نے عدالت سے اجازت طلب کی کہ ان کا موکل عدالت سے براہِ راست کچھ کہنا چاہتے ہیں۔
Advertisement
مزید پڑھیں: بیٹنگ ایپ کیس؛ کیا ڈکی بھائی نے اعترافِ جرم کرلیا؟
اجازت ملنے پر ڈکی بھائی نے بیان دیا کہ میں اب تک کی تمام تفتیش سے مطمئن ہوں، اگر ادارے مزید تحقیق کرنا چاہتے ہیں تو کر سکتے ہیں، میں ریاستی اداروں کی عزت کرتا ہوں۔
تفتیشی افسر نے عدالت کو آگاہ کیا کہ ملزم سے الیکٹرانک ڈیوائسز اور سوشل میڈیا اکاؤنٹس کی برآمدگی ابھی باقی ہے، لہٰذا مزید 5 روزہ جسمانی ریمانڈ دیا جائے تاکہ تفتیش مکمل کی جاسکے۔
تاہم عدالت نے دلائل سننے کے بعد صرف 2 روز کا جسمانی ریمانڈ منظور کرتے ہوئے پولیس کو ہدایت دی کہ 5 ستمبر کو دوبارہ پیشی یقینی بنائی جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
