پاکستان کی معروف اداکارہ مصنفہ اور ڈرامہ نگار میرا سیٹھی نے پہلی مرتبہ اپنی ازدواجی زندگی کے خاتمے پر کھل کر بات کرتے ہوئے اس ذاتی صدمے اور اس سے جڑے تجربات کا اعتراف کیا ہے۔

حال ہی میں دیے گئے ایک انٹرویو میں میرا سیٹھی نے بتایا کہ ان کی شادی مارچ 2023 میں ختم ہوئی، اسی دوران وہ ڈرامہ سیریل اَن کہی کی شوٹنگ میں مصروف تھیں، جو ان کے بقول زندگی کے سب سے کٹھن ادوار میں سے ایک تھا۔

انہوں نے کہا کہ وہ ماضی میں ایک ڈرامے میں یہ مکالمہ بول چکی ہیں کہ ’’طلاق یافتہ عورت معاشرے کے لیے کانٹا بن جاتی ہے‘‘ اور آج بھی یہ فقرہ ان کے دل میں تازہ ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Sabahat Zakariya (@feminustani)

Advertisement

ان کے مطابق اب ماحول پہلے جیسا نہیں رہا اور شوبز کی کئی خواتین اس موضوع پر کھل کر بات کر رہی ہیں۔ پھر بھی شادی کے اختتام کے بعد پیدا ہونے والا درد اور شناخت کا بحران اپنی جگہ ایک بڑی حقیقت ہے۔

میرا سیٹھی نے بتایا کہ پچھلے ڈھائی سال سے وہ اپنے اندر جھانکنے اور خود کو سمجھنے کے عمل سے گزر رہی ہیں، جو ایک اداکارہ کے لیے اور بھی مشکل ہوتا ہے کیونکہ ان کی زندگی اکثر پردے پر دوسروں کے سامنے ہوتی ہے، اس دوران اہلِخانہ اور دوستوں کے ساتھ ساتھ چند اجنبیوں کی مدد بھی ان کے لیے حوصلہ بنی۔

واضح رہے کہ میرا سیٹھی نے 2019 میں امریکہ میں اپنے قریبی دوست بلال صدیقی سے شادی کی تھی جبکہ ان کی منگنی 2018 میں ہوئی تھی۔