نیشنل سائبر کرائم انویسٹی گیشن ایجنسی (این سی سی آئی اے) نے تین مشہور سوشل میڈیا انفلوئنسرز کے خلاف کارروائی کرتے ہوئے ان پر آن لائن بیٹنگ ایپس کی تشہیر پر مقدمات درج کر لیے ہیں۔
مقدمات درج کرنے والوں میں اقرا کنول، ندیم مبارک اور حسنین شاہ شامل ہیں، جن پر الزام ہے کہ وہ غیر قانونی آن لائن ٹریڈنگ ایپلی کیشنز کی تشہیر میں ملوث رہے۔
ایجنسی حکام کے مطابق ملزمان کو تفتیش کے لیے تین مرتبہ طلب کیا گیا، تاہم وہ پیش نہ ہوئے اور مسلسل تعاون سے گریز کرتے رہے۔
ادارے کا کہنا ہے کہ یہ انفلوئنسرز عوام کو منافع کے جھوٹے لالچ دے کر غیر قانونی ایپس میں سرمایہ کاری پر آمادہ کرتے رہے ہیں۔
Advertisement
ذرائع نے بتایا کہ ملزمان کی گرفتاری کے لیے خصوصی ٹیمیں تشکیل دے دی گئی ہیں جبکہ مقدمات عوام کو دھوکا دینے اور غیر قانونی مالی سرگرمیوں میں ملوث ہونے کے شبے میں درج کیے گئے ہیں۔
سائبر کرائم حکام کا کہنا ہے کہ ایسے واقعات میں اضافے کے بعد این سی سی آئی اے نے سوشل میڈیا انفلوئنسرز کی سرگرمیوں پر خصوصی نظر رکھنا شروع کر دی ہے۔
Advertisement
حکام نے واضح کیا ہے کہ عوام کو مالیاتی فراڈ سے بچانے کے لیے کسی قسم کی رعایت نہیں برتی جائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
