ڈرامہ سیریل ’’میں منٹو نہیں ہوں‘‘ میں صائمہ نور کے ڈانس نے دل جیت لیے ہیں جب کہ مداح بھی پرانی یادوں میں کھوگئے ہیں۔

ڈرامہ سیریل ’’میں منٹو نہیں ہوں‘‘ اپنی شاندار کاسٹ اور بہترین پرفارمنسز کی بدولت ناظرین کو اپنی جانب متوجہ کیے ہوئے ہے۔ کہانی کے غیر متوقع موڑ اور دلچسپیاں سب کو باندھے رکھے ہوئے ہیں۔

ہر اداکار اپنی جگہ بہترین کام کررہا ہے لیکن جس فنکارہ نے سب کو پیچھے چھوڑ دیا ہے وہ ہیں صائمہ نور جو ’’سُرّیا‘‘ کا کردار نبھا رہی ہیں۔

صائمہ نور کی اسکرین پر موجودگی، ان کا انداز اور جس طرح وہ کردار کو لے کر چل رہی ہیں، سب کچھ دیکھنے والوں کے لیے کسی ٹریٹ سے کم نہیں۔

ڈرامے کے ہدایتکار ندیم بیگ نے اس سے قبل بھی اعتراف کیا تھا کہ وہ صائمہ نور کے بڑے مداح ہیں اور انہیں یہ کردار کرنے پر راضی کرنے کے لیے ہر ممکن کوشش کی۔

انہوں نے صائمہ نور کے فلمی کیریئر کو خراجِ تحسین پیش کرتے ہوئے ناظرین کو یاد دلایا کہ وہی مججن والی اداکارہ آج بھی ویسی ہی ہیں۔

صائمہ نور نے ’’میں منٹو نہیں ہوں‘‘ میں گانے ’’دل دیاں لگیاں نوں کون جاندا‘‘ پر پرفارم کیا تو مداح ایک دم سے مججن کے سنہری دور میں چلے گئے۔

اداکارہ اب بھی وہی وقار اور دلکشی رکھتی ہیں اور اس سین میں وہ نہایت شاندار اور پُر وقار نظر آئیں۔ ناظرین نے فوری طور پر مججن کے اس لازوال گانے کو یاد کیا۔

ایک مداح نے لکھا ’’ہم نے کئی نوجوان اداکاراؤں کو ڈراموں میں رقص کرتے دیکھا ہے لیکن صائمہ جی نے کمال کردیا‘‘۔

دوسرے نے کہا ’’ان کی نفاست نے مجھے مججن یاد دلا دی جو میں نے دو بار دیکھی تھی‘‘۔

ایک اور مداح کا کہنا تھا ’’صائمپ جی بے مثال اور دلکش لگ رہی تھیں‘‘۔

یہی وجہ ہے کہ اس سین نے نہ صرف ’’میں منٹو نہیں ہوں‘‘ کے شائقین بلکہ صائمپ نور کے چاہنے والوں کے دل بھی جیت لیے ہیں۔