پاکستان کا مقبول گانا “بول کفارہ” ایک بار پھر بھارت نے کاپی کر لیا ہے۔

یہ گانا سات سال قبل بول نیوز کے ڈرامہ پارلر والی لڑکی کے لیے بطور او ایس ٹی ریکارڈ کیا گیا تھا، جو ریلیز ہوتے ہی پاکستان سمیت دنیا بھر میں بے حد مقبول ہوا۔

بھارت کی جانب سے پاکستانی گانوں کو بغیر کریڈٹ اپنانا کوئی نئی بات نہیں، اس سے قبل بھارتی گلوکار جُبِن نوٹیال بھی یہی گانا گا چکے ہیں اور اب معروف گلوکارہ نیہا ککڑ نے اسے فلم ایک دیوانے کی دیوانیت کے لیے اپنی آواز دی ہے۔

فلم میں مرکزی کردار اداکار ہریش وردھن رہانے اور سونم باجوا نے ادا کیے ہیں۔ دلچسپ امر یہ ہے کہ ہریش وردھن ماضی میں پاکستان اور اداکارہ ماورہ حسین کے خلاف بیانات دے چکے ہیں لیکن آج وہ انہی پاکستانی گانوں پر کام کر رہے ہیں جنہیں بھارت بار بار چرا رہا ہے۔

سونم باجوا پر فلمائے گئے اس نئے ورژن کے بعد سوشل میڈیا پر پاکستانی صارفین نے شدید ردعمل دیا۔

ایک صارف نے لکھا کہ پاکستان کو برا بھلا کہو گے لیکن گانے ہمارے ہی چراؤ گے، دوسرے صارف نے طنزیہ تبصرہ کیا کہ  سونم باجوا یہ گانا IAF سے PAF کے نام کر رہی ہیں جبکہ کئی صارفین نے ہمیشہ کی طرح بالی ووڈ کو کاپی ووڈ قرار دیا۔