معروف کامیڈین عمر شریف کو مداحوں سے بچھڑے 4 سال بیت گئے

ویب ڈیسک

02nd Oct, 2025. 12:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف کامیڈین عمر شریف کو مداحوں سے بچھڑے 4 سال بیت گئے

معروف پاکستانی کامیڈین عمر شریف کو مداحوں سے بچھڑے 4 سال بیت گئے ہیں۔

عمر شریف 66 برس کی عمر میں 2 اکتوبر 2021 کو جرمنی میں دورانِ علاج انتقال کرگئے تھے۔

وہ 19 اپریل 1955 کو کراچی کے علاقے لیاقت آباد میں پیدا ہوئے تھے، ان کا اصل نام محمد عمر تھا اور پیشہ ورانہ طور پر وہ عمر شریف کے نام سے جانے جاتے تھے اور اسی نام سے انہوں نے شہرت حاصل کی۔

انہیں جنوبی ایشیا کے نامور و بڑے کامیڈینز میں سے ایک مانا جاتا ہے جبکہ انہیں پاکستان میں کامیڈی کے بے تاج بادشاہ کا لقب بھی دیا گیا ہے۔

عمر شریف نے 14 سال کی عمر میں اپنے کریئر کا آغاز ایک اسٹیج ڈرامے سے کیا اور طنز و مزاح کے منفرد انداز نے انہیں شہرت کی بلندیوں تک پہنچایا تھا۔

اپنے فن کے ذریعے ملک کا نام روشن کرنے پر ان کی خدمات کے اعتراف میں حکومتِ پاکستان نے عمر شریف کو تمغہ امتیاز سے نوازا تھا۔