معروف امریکی گلوکار اور نیو سول موسیقی کے بانیوں میں شمار ہونے والے ڈی اینجیلو 51 سال کی عمر میں کینسر سے طویل جدوجہد کے بعد انتقال کر گئے۔
غیر ملکی میڈیا کے مطابق گلوکار کے اہلِ خانہ نے ان کے انتقال کی تصدیق کرتے ہوئے کہا کہ ہم انتہائی غمگین ہیں کہ ڈی اینجیلو اب ہمارے درمیان نہیں رہے لیکن ان کی لازوال موسیقی، فن اور ورثہ ہمیشہ ہمارے دلوں میں زندہ رہے گا۔
ڈی اینجیلو، جن کا اصل نام مائیکل یوجین آرچر تھا، انہوں نے 1990 کی دہائی میں اپنے موسیقی کے سفر کا آغاز کیا۔ 1995 میں ریلیز ہونے والا ان کا پہلا البم ’براؤن شوگر ‘ غیر معمولی کامیابی حاصل کرنے میں کامیاب رہا اور بل بورڈ ہپ ہاپ چارٹ پر چوتھے نمبر تک پہنچا۔
اس البم کے مقبول گانے ’کروزن‘ اور ’لیڈی‘ نے ڈی اینجیلو کو عالمی سطح پر شہرت دلائی۔ 2020 میں معروف امریکی جریدے رولنگ اسٹون نے براؤن شوگر کو تاریخ کے 500 عظیم ترین البمز میں شامل کرتے ہوئے 183 واں نمبر دیا۔
ڈی اینجیلو کی وفات کی خبر کے بعد دنیا بھر سے مداحوں، ساتھی موسیقاروں اور فنکاروں نے گہرے دکھ اور افسوس کا اظہار کیا ہے اور سوشل میڈیا پر ان کے موسیقی ورثے کو خراجِ عقیدت پیش کیا جا رہا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
