29 سالہ اطالوی ماڈل پامیلا جینینی کو بوائے فرینڈ نے بے دردی سے قتل کردیا۔ ان کے جسم پر چاقو کے 24 وار کیے گئے۔
ماڈل کا اپنے 52 سالہ بوائے فرینڈ جیان لوکا سونچن سے گھر پر جھگڑا ہوگیاتھا ۔
اس دوران پامیلا جینینی کے جسم پر چاقو کے 24 وار کیے گئے۔ پڑوسیوں نے جھگڑے کی آوازیں سنیں ۔
اطلاع ملنے پر پولیس جائے وقوع پر پہنچ گئی ۔ مگر پولیس کے پہنچنے سے قبل ہی خاتون دم توڑ چکی تھی ۔
پولیس کے مطابق مقتولہ کے جسم پر چاقو کے 24 سے زائد نشان اور زخم پائے گئے۔
Advertisement
مقتولہ کے بوائے فرینڈ سونچن نے قتل کے بعد خودکشی کی کوشش میں اپنی گردن دو بار کاٹ لی۔
مگراسے زندہ حالت میں اسپتال منتقل کردیا گیا، پولیس نے اسے حراست میں لے رکھاہے۔
معلوم ہوا ہے کہ جینینی اپنے بوائے فرینڈ سے تعلق ختم کرنے کا فیصلہ کر چکی تھی۔ جس کے باعث دونوں کے درمیان جھگڑا ہوا۔
پامیلا جینینی معروف ماڈل ہونے کے ساتھ ساتھ کاروباری خاتون بھی تھیں۔ وہ میلان میں ہائی فیشن مہمات کا حصہ رہ چکی تھیں۔
وہ ایک برانڈ کی مالک ہونے کے ساتھ رئیل اسٹیٹ کا بزنس بھی چلاتی تھیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
