عائشہ عمر نے شوبز کے کڑوے سچ سب کے سامنے رکھ دیے

ویب ڈیسک

03rd Oct, 2025. 03:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عائشہ عمر نے شوبز کے کڑوے سچ سب کے سامنے رکھ دیے

پاکستانی اداکارہ اور پروڈیوسر عائشہ عمر نے شوبز کی سخت حقیقتوں سے پردہ اٹھا دیا۔

حال ہی میں ایک کامیڈی شو میں اداکارہ عائشہ عمر نے اپنے شوبز کیریئر کے ابتدائی دنوں کے تجربات پر روشنی ڈالی ہے۔

عائشہ عمر نے بتایا کہ کم عمری میں انڈسٹری میں قدم رکھتے وقت انہیں کئی مشکلات کا سامنا رہا۔ اس وقت اکثر لوگ انہیں سنجیدگی سے نہیں لیتے تھے کیونکہ ایک تو ان کی عمر کم تھی اور دوسرا وہ بے حد خوش مزاج اور کھلنڈری نظر آتی تھیں۔

انہوں نے انکشاف کیا کہ شوبز میں کئی مرد اپنی حد سے تجاوز کرنے کی کوشش کرتے تھے، اس لیے انہیں خود کو مضبوط ظاہر کرنا پڑتا تھا تاکہ کوئی انہیں کمزور نہ سمجھے۔ اسی وجہ سے انہوں نے ایک “نان سینس” رویہ اپنایا تاکہ لوگ ان کے ساتھ غیرسنجیدہ رویہ اختیار نہ کریں۔

مزید پڑھیں: شو ’لازوال عشق‘ پر تنقید؛ عائشہ عمر کی وضاحت سامنے آگئی

عائشہ عمر کا کہنا تھا کہ جب وہ لاہور سے کراچی منتقل ہوئیں اور اکیلے رہنے لگیں تو یہ رویہ اور بھی ضروری ہوگیا، کیونکہ اکیلی لڑکی کو اکثر کمزور سمجھا جاتا ہے۔

اداکارہ نے اپنے کیریئر میں ہونے والی چند غلطیوں کا بھی اعتراف کیا اور بتایا کہ انہوں نے کچھ ایسے ایوارڈ شوز کیے جن کی مکمل ادائیگی آج تک نہیں ہوئی۔