معروف گلوکار و اداکار عاصم اظہر کے کنسرٹ کی ایک ویڈیو سوشل میڈیا پر وائرل ہونے کے بعد مداحوں میں چہ مگوئیاں شروع ہوگئیں، تاہم گلوکار نے اس ویڈیو کی وضاحت دیتے ہوئے اسے پرانا کلپ قرار دیا ہے۔

گزشتہ دنوں سوشل میڈیا پر ایک ویڈیو وائرل ہوئی جس میں عاصم اظہر اپنے مشہور گانے “دوستی ایسا ناتا” پر پرفارم کر رہے ہیں جبکہ شائقین میں ان کی سابقہ منگیتر اور اداکارہ میرب علی بھی موجود نظر آرہی تھیں۔

ویڈیو وائرل ہونے کے بعد متعدد سوشل میڈیا پیجز نے دعویٰ کیا کہ یہ حالیہ کنسرٹ کی ہے اور دونوں کے درمیان تعلقات دوبارہ بحال ہوگئے ہیں۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by WOW 360 (@wow360pk)

Advertisement

تاہم عاصم اظہر نے انسٹاگرام اسٹوری میں ان تمام خبروں کی تردید کرتے ہوئے کہا کہ احترام کے ساتھ میں ان پیجز سے کہنا چاہتا ہوں جو پرانی ویڈیوز شیئر کر کے لوگوں کو گمراہ کررہے ہیں۔ براہِ کرم ایسی پوسٹس سے گریز کریں، تحقیق کے بغیر کچھ اپ لوڈ نہ کریں۔

انہوں نے مزید کہا کہ ان پیجز کے لاکھوں فالوورز ہیں، ان کی ذمہ داری ہے کہ درست معلومات شیئر کریں، اگر یہ سب صرف لائکس اور ویوز کے لیے کیا جارہا ہے تو پھر اللّٰہ ہی حافظ ہے۔

عاصم اظہر نے طنزیہ انداز میں یہ بھی کہا کہ کیا میں پہلے ہی کافی کانٹینٹ فراہم نہیں کر چکا؟ پھر یہ سب کرنے کی ضرورت کیا تھی؟

واضح رہے کہ عاصم اظہر ان دنوں پاکستان کے مختلف شہروں میں منعقدہ کنسرٹس میں مصروف ہیں، جہاں ان کے پرفارمنس ویڈیوز سوشل میڈیا پر خوب مقبول ہو رہی ہیں۔