مس مارول سیریز : فواد خان کی شاندار انٹری نے مداحوں کو خوش کردیا

ویب ڈیسک

07th Jul, 2022. 11:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مس مارول سیریز : فواد خان کی شاندار انٹری نے مداحوں کو خوش کردیا

مس مارول سیریز میں بالآخر پاکستانی سپر اسٹار فواد خان کی شاندار انٹری نے مداحوں کو خوش کردیا۔

مارول اسٹوڈیوز کے بینر تلے اور پاکستانی فلم ساز شرمین عبید چنائے کی ڈائریکشن میں بننے والی اس سیریز میں پاکستانی گانوں اور پاکستانی فنکاروں کی اداکاری کے چرچے جاری ہیں ۔

اس سریز میں ہالی ووڈ اور بالی ووڈ کے فنکاروں سمیت پاکستانی فنکاروں نے کمال کردکھایا ہے تاہم ویب سریز کی 5 ویں قسط میں اداکارہ مہوش حیات اور فواد خان کی کیمسٹری نے مداحوں کے دل جیت لیے ہیں

فواد خان کی انٹری پر مداح نہ صرف پرجوش ہیں بلکہ کھل کر سوشل میڈیا پر اپنی خوشی کا اظہار بھی کرتے نظر آ رہے ہیں۔

مس مارول کی تازہ ترین قسط میں فواد خان کا طویل کردار نظر آیا وہ کمالہ خان کے پردادا (حسن) کے روپ میں جلوہ گر ہوئے جبکہ مہوش حیات کمالہ خان کی پردادی(عائشہ) کا کردار نبھاتے نظر آئیں۔

نئی قسط میں ایک بار پھر تقسیم برصغیر سے قبل کا دور فلمایا گیا جس میں فواد خان کو تحریک آزادی کے رہنما کے طور پر متعارف کرایا گیا۔

—اسکرین شاٹ

طویل عرصے بعد فواد خان کو اپنی جاندار اداکاری کے جوہر دکھاتے دیکھ کر سوشل میڈیا صارفین خوشی سے پھولے نہیں سما رہے اور ان کو سراہنے کے لیے بھرپور انداز میں اپنے جذبات کا اظہار کررہے ہیں۔

فواد خان کے بھارتی مداحوں نے بھی مس مارول میں ان کی انٹری اور شاندار اداکاری کی دلچسپ انداز میں تعریف کی۔

مداحوں نے سیریز کی پانچویں قسط میں فواد خان (حسن) اور مہوش حیات (عائشہ) کی کیمسٹری کو بھی خوب پسند کیا۔

سیریز میں تحریک آزادی کے رہنما کا کردار نبھاتے ہوئے فواد خان کا پرجوش انداز بھی سوشل میڈیا پر خوب وائرل ہورہا ہے۔

پانچویں قسط کی ریلیز کے ساتھ ہی ایک بار پھر فواد خان کا نام پاکستان اور بھارت میں بھی سوشل میڈیا پر ٹرینڈ کرنے لگا۔

Advertisement

Advertisement
View this post on Instagram
Advertisement
Advertisement
Advertisement
Advertisement

A post shared by DIVA Magazine Pakistan (@divamagazinepakistan)
Advertisement