انجلینا جولی ہالی ووڈ کی لیجنڈری اداکاراؤں میں سے ایک ہیں اور ہمیشہ کسی نہ کسی وجہ سے خبروں کی زینت بنی رہتی ہیں اور اس بار وہ ایک نئے کردار کے ساتھ اسکرین پر واپسی کر رہی ہیں۔

غیر ملکی خبر رساں ادارے کی رپورٹ کے مطابق انجلینا جولی پابلو لارین کی اگلی بایوپک ماریا کے ساتھ اسکرین پر واپسی کرنے والی ہیں۔

رپورٹ میں بتایا گیا ہے کہ اداکارہ بایوپک میں لیجنڈ اوپیرا گلوکارہ ماریا کالاس کا کردار ادا کریں گی جس کی پہلی جھلک سامنے آگئی ہے۔

رپورٹ میں واضح کیا گیا ہے کہ  پابلو لارن کی بائیوپک ماریا کی جاری تصاویر میں دیکھا جاسکتا ہے کہ انجلینا جولی نے مشہور اوپیرا گلوکارہ ماریا کالاس کا کردار ادا کیا ہے۔

رپورٹ کے مطابق جیکی اور اسپینسر کی ہدایت کاری میں بننے والی نئی فلم میں افسانوی، مشہور، اور متنازعہ گلوکارہ کی زندگی کو فلمایا گیا ہے اور ماریا دنیا کی سب سے بڑی اوپیرا گلوکارہ کی زندگی کی ہنگامہ خیز، خوبصورت اور المناک کہانی بیان کرتی ہے۔

رپورٹ میں بتایا گیا ہے کہ اس فلم میں انجلینا جولی کے کپڑے اصل لباس پر مبنی ہیں جو کالاس کے پہنے ہوئے ہیں۔

رپورٹ میں واضح کیا گیا ہے کہ اس فلم کا اسکرپٹ لارین کے اسپینسر کے ساتھی اسٹیون نائٹ نے لکھا ہے اور انجلینا جولی کے علاوہ، کاسٹ میں پیئرفرانسیسکو فاوینو، البا روہرواچر، ہالوک بلجینر، کوڈی سمٹ میکفی اور والیریا گولینو شامل ہیں۔

اس فلم کے حوالے سے پابلو لارینس نے ایک بیان میں کہا کہ وہ اس فلم پر کام شروع کرنے کے لیے ناقابل یقین حد تک پرجوش ہیں، جس سے امید ہے کہ یہ گلوکارہ کی شاندار زندگی اور کام کو پوری دنیا کے  سامنے لائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں