نوڈلز دنیا کی ایک مقبول ڈش ہے، کیوں کہ یہ تیار کرنے میں آسان اور کھانے میں بہت مزے دار ہے لیکن سوشل میڈیا پر ایک ویڈیو وائرل ہوئی ہے، جس میں دکھایا گیا ہے کہ کس طرح نوڈلز تیار کیے جاتے ہیں ۔

غیر ملکی خبر رساں ادارے کے مطابق سوشل میڈیا پر ایک ویڈیو وائرل ہو رہی ہے جس میں دکھایا گیا ہے کہ چین میں ابتدا سے کس طرح نوڈلز تیار کیے جاتے ہیں، اور تیاری کے ایک مشکل سلسلے کے بعد یہ ہانڈی اور پھر آپ کی پلیٹ تک پہنچتے ہیں۔

When was the last time you had road side chinese hakka noodles with schezwan sauce? pic.twitter.com/wGYFfXO3L7

— Chirag Barjatya (@chiragbarjatyaa) January 18, 2023

ناروے کے سابق سفارت کار ایرک سولہیم نے حال ہی میں ایک ویڈیو شیئر کی ہے جس میں دکھایا گیا ہے کہ چین میں نوڈلز شروع سے کیسے تیار کیے جاتے ہیں۔

ویڈیو میں دکھایا گیا ہے کہ کئی میٹر لمبے نوڈلز کو مہارت کے ساتھ کھینچا جاتا ہے (حیرت ہے کہ وہ ٹوٹتے نہیں) اور پھر اسے خشک کرنے کے لیے چھت سے عمودی طور پر لٹکایا جاتا ہے۔

یہ ویڈیو 20 ہزار سے زائد لوگ دیکھ چکے ہیں ساتھ ہی متعدد سوشل میڈیا صارف اس دلچسپ ویڈیو پر کمنٹس بھی کررہے ہیں۔

دوسری جانب نوڈلز دنیا میں تقریباً ہر جگہ پسند کیے اور کھائے جاتے ہیں، ماہرین تاریخ اس پر گفتگو کرتے رہتے ہیں کہ کیا نوڈلز اطالویوں نے ایجاد کیے اور پھر چین لائے گئے، یا اس کے برعکس ہوا۔

مزید پڑھیں

https://www.bolnews.com/urdu/latest/2022/12/294197/

اس حوالے سے سولہیم نے لکھا کہ مؤرخین اس بات پر بحث کرتے ہیں کہ آیا اطالویوں نے نوڈلز ایجاد کیے اور انھیں چین لائے، یا اس کے برعکس تھا؟ شانزی، چین میں روایتی نوڈلز اس طرح تیار کیے جاتے ہیں، اور یہ سلطنت تانگ کے وقت کی ڈش ہے۔

ایک ٹویٹر صارف نے لکھا کہ زیادہ تر اطالویوں کا اتفاق رائے ہے کہ مارکو پولو چین سے اٹلی میں نوڈلز کا آئیڈیا لایا تھا۔

واضح رہے کہ کھانوں کے حوالے سے کتاب لکھنے والے ایک مشہور مصنف جین لن لیو نے کہا ہے کہ نوڈلز کا قدیم ترین تاریخی تذکرہ جو مجھے ایک ڈکشنری میں ملا اس کا تعلق چین میں تیسری صدی عیسوی سے ہے۔