امریکا میں سانس کی بیماریوں میں اضافہ، ای سگریٹس پر پابندی

اریبہ نثار

16th Sep, 2019. 01:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا میں سانس کی بیماریوں میں اضافہ، ای سگریٹس پر پابندی

امریکی صدر ڈونلڈ ٹرمپ نے ملک بھر میں دن بہ دن سانس کی بیماریوں میں اضافے کے سبب ای سگریٹس پر پابندی کا اعلان کردیا ہے۔

ذرائع کے مطابق امریکی صدر ڈونلڈ ٹرمپ نے کہا ہے کہ لوگوں کی صحت ای سگریٹ کی وجہ سے بری طرح متاثر ہو رہی ہے اور وہ موت کے منہ میں جا رہے ہیں۔

ٹرمپ نے ای سگریٹس کہ حوالے سے اعلان کیا کہ الیکٹرانک سگریٹ، اس کے آلات اور مختلف ذائقوں والی نکوٹین سے بھرے سگریٹ پر مکمل پابندی عائد کی جا رہی ہے۔

ای سگریٹ کے حوالے سے امریکی ڈاکٹرز کا کہنا تھا کہ زیادہ تر سانس کی بیماری میں مبتلا افراد نے مختلف پھلوں کے ذائقوں والے اجزاء سے بھرے سگریٹ کا استعمال کیا تھا۔

امریکی صدر کا مزید کہنا تھا کہ ای سگریٹ کاروبار بن گیا ہے لیکن اس کے استعمال سے لوگوں کی صحت پر برا اثر پڑ رہا ہے خاص طور پر نوجوان نسل اس کے استعمال سے اپنی صحت اور مستقبل برباد کر رہے ہیں اور اس سے بہت مسائل جنم لے رہے ہیں جس کا خاتمہ انتہائی ضروری ہے۔

گزشتہ چند سالوں میں امریکا کے اندر بچوں میں ای سگریٹ کے استعمال کا رجحان بڑھتا جا رہا ہے اور ایک اندازے کے مطابق 30 لاکھ سے زائد بچے اس بری عادت میں مبتلا ہیں۔