جیکب آباد کےنجی اسپتال میں مبینہ طورپرآکسیجن ختم ہونےپر 4 نومولودبچےجبکہ پنجاب کے ضلع حافظ آبادکے ڈی ایچ کیواسپتال کی نرسری میں بروقت  طبی امدادنہ ملنےپر 5 بچےجاں  بحق ہوگئے۔بچوں کی ہلاکت پرلواحقین نےاسپتال انتظامیہ کےخلاف شدیداحتجاج کیا۔

 تفصیلات کےمطابق سندھ کےشہرجیکب آبادکےعلاقے ٹھل کےایک نجی اسپتال کےانکیوبیٹر میں مبینہ طورپرآکسیجن ختم ہونےپرزیرعلاج 4 نومولوددم توڑگئے۔

بچوں کی ہلاکت پرلواحقین نےنجی اسپتال کےخلاف احتجاج کیااورالزام عائدکیاکہ بچےاسپتال انتظامیہ کی غفلت اورلاپروائی کےباعث انتقال کرگئےہیں۔ دوسری جانب نجی اسپتال انتظامیہ کا کہناہےکہ آکسیجن ختم ہونےپردوسراآکسیجن سلینڈرلگایاجارہاتھاکہ اس دوران بچےدم توڑگئے۔

 بچوں کےلواحقین نےمطالبہ کیاکہ اسپتال انتظامیہ کےخلاف قانونی کارروائی کی جائے،تاہم محکمہ صحت اورضلعی انتظامیہ کی جانب سےاب تک اسپتال کےخلاف کوئی کارروائی نہیں کی جاسکی ہے۔

 جبکہ ایساہی ایک افسوس ناک واقعےمیں صوبہ پنجاب کےضلع حافظ آباد کےڈی ایچ کیواسپتال کی نرسری میں بروقت طبی امدادنہ ملنےپرپانچ بچےجاں بحق ہوگئےہیں ۔

جاں بحق ہونےوالےپانچ بچوں میں سےدوبچوں کاتعلق جلالپوربھٹیاں جبکہ تین کاتعلق مختلف علاقوں سےہے،واقعے کےبعدلواحقین نےشدیداحتجاج کرتےہوئےاسپتال عملےکےخلاف فوری کارروائی کامطالبہ کیاہے۔

لواحقین نےالزام عائدکرتےہوئےبتایاکہ گزشتہ شب نرسری وارڈمیں بروقت طبی امدادنہ ملنےپر بچوں کی موت ہوئی، بچوں کی حالت بگڑنےپرنرسری وارڈمیں تعینات ڈاکٹراورنرسزکوبلایا گیا تووہ اپنےکمرےمیں سوئےرہے۔