راولپنڈی میں ڈینگی بے قابو ہو گیا ہے ، گزشتہ 24 گھنٹوں میں مزید 150 شہری ڈینگی بخار میں مبتلا ہوچکے ہیں۔

تفصیلات کے مطابق پنجاب میں راولپنڈی ڈینگی مچھر سے سب سے زیادہ متاثر ہونے والا ضلع بن چکا ہے، گزشتہ 24 گھنٹوں میں مزید 150 شہری ڈینگی بخار میں مبتلا ہوچکے ہیں جبکہ ڈینگی بخار سے 34 افراد جان کی بازی ہار چکے ہیں۔

ذرائع کے مطابق ملک بھر میں ڈینگی  کے حملوں میں دن بہ دن اضافہ دیکھا جا رہا ہے ،تا زہ ترین اطلا عات کے مطابق گزشتہ 24 گھنٹوں میں مزید 150 افراد ڈینگی بخار میں مبتلا ہوچکے ہیں جبکہ ڈینگی سے متاثرہ مریضوں کی تعداد 7 ہزار آٹھ سو 86 ہوچکی ہے۔

افسوس نا ک امر یہ ہے کہ راولپنڈی سیکرٹری ہیلتھ کا کیمپ آفس، وزیراعلی کی سخت ہدایات اور تینوں الائیڈ ہسپتالوں میں اضافی انتظامات کے باوجود ڈینگی مچھر کسی کے قابو میں نہیں آرہا۔

 ڈینگی مچھر کو شکست دینے کے لیے پنجاب حکومت نے ڈپٹی کمشنر راولپنڈی کو بھی تبدیل کیا تھا اور لاہور سے ڈینگی ایکسپرٹس کی ٹیمیں اور موبائیل ہیلتھ یونٹس بھی راولپنڈی منتقل کردئیے گے تھے لیکن ڈینگی  مچھرپر کنٹرول نہیں ہو رہا۔

 یہ امر بھی قابل تو جہ ہے کہ شہریوں پر ڈینگی کے وار سے معمولات زندگی بھی  بری طرح متاثر ہورہے ہیں، راول پنڈی سمیت ملک بھر میں ڈینگی نے تباہی مچا دی ہےجس کے باعث ایک ہی گھر میں کئی کئی افراد ڈینگی کا شکار ہیں۔

قومی ادارۂ صحت کے ذرائع کے مطابق اسلام آباد کے صرف دو بڑے اسپتالوں پمز اور پولی کلینک میں ہی ڈینگی کے ساڑھے آٹھ ہزار سے زائد پازیٹو کیسز سامنے آ چکے ہیں۔