پاکستان کرکٹر کے سابق کپتان وسیم اکرم کی اہلیہ شنیرا اکرم نے کورونا وائرس کی وجہ سے کاروبار کی بندش کے پیش نظر لوگوں سے نرمی کا رویہ اختیار رکھنے کا پیغام دے دیا۔

تفصیلات کے مطابق شنیرا اکرم نے سماجی رابطے کی ویب سائٹ ٹوئٹر پر ٹوئٹ میں لکھا کہ کاروبار کی بندش کے پیش نظر گھروں کے مالکان کو چاہیے کہ اپنے کرایہ داروں سے نرمی کا رویہ اختیار کریں۔

With the recent shut downs of cafes, restaurants, shops, gyms, schools and play areas due to #CoronaVirusPakistan, building owners should show some rent leniency towards their tenants during this time of hardship so that our small businesses don’t close down for good.

— Shaniera Akram (@iamShaniera) March 18, 2020

شنیرا اکرم نے لکھا کہ کورونا وائرس کی وجہ سے پاکستان بھر میں کیفے، ریسٹوران، دکانیں ، جیمز، اسکول اور پارکس بند ہوگئے ہیں۔

لہزا اس مشکل وقت میں بلڈنگ اور فلیٹس کے مالکان کو چاہیے کہ وہ اپنے کرایہ داروں سے کرایہ لینے میں نرمی کا مظاہرہ کریں تاکہ  چھوٹے کاروبار والے لوگوں کو مشکلات درپیش نہ آئیں۔

یاد رہے کہ گزشتہ روز بھی سماجی کارکن شنیرا اکرم نے کورونا وائرس سے بچنے کے لیے احتیاطی تدابیر کے حوالے سے ایک ٹوئٹ کیا تھا۔

شنیرا اکرم نے اپنے ٹوئٹ میں ایک گندے ٹیشو پیپر کی تصویر شیئر کی تھی جس سے اُنہوں نے اپنا موبائل فون اور چارجر صاف کیا تھا۔

Advertisement

Hands are not the only things with germs that need to be cleaned. How many times do you put your hands on your phone to type or use your phone near your face? This was the swab I just cleaned my phone and charger cord with. Don’t judge me till you do it too!!! #StopTheSpread pic.twitter.com/QJCOCv0cmV

— Shaniera Akram (@iamShaniera) March 17, 2020

شنیرا اکرم نے یہ تصویر شیئر کرتے ہوئے لکھا تھا کہ اگر ہمیں چراثیم سے پاک رہنا ہے تو اِس میں صرف ہاتھوں کو صاف رکھنا ضروری نہیں ہے۔

انہوں نے ٹوئٹر صارفین سے سوال کیا تھا کہ کیا آپ کو معلوم ہے کہ ہم کتنی بار اپنے موبائل کو ہاتھ لگاتے ہیں اور پھر وہ ہی ہاتھ اپنے چہرے پر بھی لگاتے ہیں؟

شنیرا اکرم نے کہا کہ میں نے ابھی اپنے موبائل فون اور چارجر کو صاف کیا ہے۔

اُنہوں نے مزید لکھا تھا کہ جب تک آپ یہ خود نہ کرلیں تب تک مجھ پر کوئی تبصرہ نہیں کریں۔

واضح رہے کہ پاکستان میں کورونا وائرس کی تعداد 244 ہوگئی ہے۔