پاکستان میں کورونا وائرس کے ایک اور مریض کی تصدیق ہوگئی ہے، کل مریضوں کی تعداد 6 ہوگئی۔

تفصیلات کے مطابق وزیر اعظم عمران خان کے معاون خصوصی برائے صحت ڈاکٹر ظفر مرزا نے پاکستان میں کورونا وائرس کے چھٹے کیس کی تصدیق کردی ہے۔

ظفر مرزا کا کہنا ہے کہ کورونا وائر س کے مر یض کا تعلق صوبہ سندھ سے ہے، جس کی حالت مستحکم ہے۔

معاون خصوصی برائے صحت مزید کہنا تھا کہ وزیراعلیٰ سندھ سید مراد علی شاہ نے متاثرہ شخص سے رابطے میں رہنے والے تمام افراد کا ٹیسٹ کرنے کی ہدایت کی ہے۔

Advertisement

236/ 6th case of #coronavirus in Pakistan is confirmed. The patient is in clinically stable condition in Sindh and is being well taken care of.

— Zafar Mirza (@zfrmrza) March 5, 2020

پاکستان میں کورونا وائرس کے دو مریضوں کی تصدیق

دوسری جانب محکمہ صحت سندھ کا کہنا ہے کہ کورونا وائرس سے متاثرہ 69 سالہ شخص 25 فروری کو ایران سے واپس آیا تھا، جس کی مانیٹرنگ کی جارہی تھی اور وائرس کی علامات ظاہر ہونے پر اُس کا ٹیسٹ کیا تھا۔

اس تازہ اضافے کے بعد سندھ میں کورونا وائرس کے متاثرین کی تعداد تین ہوگی ہے جبکہ ملک میں کورونا وائرس سے متاثرہ اقراد کی تعداد 6 ہوگئی ہے۔

واضح رہے کہ اس قبل پاکستان میں کورونا وائرس کے5 کیسز میں دو کا تعلق کراچی، دو کا وفاق اور ایک کا تعلق گلگت سے تھا۔

پاکستان میں سب سے پہلے  کورونا وائرس سے متاثرہ دو مریضوں کی تصدیق ہوئی تھی، چند روز قبل ایران سے کراچی واپس آنے والے 22 سالہ نوجوان میں کورونا وائرس کی تصدیق ہوئی تھی۔

ترجمان محکمہ صحت نے تصدیق کی ہے کہ 22 سالہ متاثرہ شخص اور اہلخانہ کونجی اسپتال کے آئسولیشن وارڈ میں منتقل کردیا گیا تھا ۔

 یاد رہے کہ کورونا وائرس کا پھیلاؤ دسمبر دوہزار انیس میں مشرقی چین کے صوبے ہوبے کے شہر ووھان سے شروع ہوا تھا۔

اب تک پوری دنیا میں  مطابق دنیا میں اسی ہزار سے زائد افراد کورونا وائرس میں مبتلا ہوچکے ہیں جن میں سب سے زیادہ تعداد میں مریض چین میں ہیں ۔ دوسرے نمبر پر ایران اور اٹلی ہیں جہاں سے بڑی تعداد میں کیسز رپورٹ ہورہے ہیں۔

اب تک اس وائرس سے دوہزار سات سو سے زائد افراد  لقمہ اجل بن چکے ہیں۔ یہ وائرس چین کے تیس شہروں کے علاوہ دنیا کے اڑتیس ملکوں رمیں سرایت کرچکا ہے ۔

یاد رہے کہ حکومت کی جانب سے کہا جارہا ہے کہ ملک میں کورونا وائرس سے نمٹنے کے موثر ترین انتظامات موجود ہیں اورایسی کسی بھی صورتحال میں شہریوں کو گھبرانے کی ضروری نہیں ہے۔