پاکستان میں کورونا کے 8 مزید مریض سامنے آگیا جس کے بعد پاکستان میں کورونا سے متاثرہ افراد کی تعداد 16 ہوگئی ہے۔

ترجمان محکمہ صحت سندھ کی جانب سے جاری بیان کے مطابق 53 سالہ شخص میں کورونا وائرس کی تشخیص ہوئی ہے اور وہ کراچی کے ضلع شرقی کا رہائشی ہے۔

ترجمان کے مطابق متاثرہ شخص شام سے دوحہ اور پھر پاکستان پہنچا ہے، متاثرہ شخص کے اہل خانہ کو بھی قرنطینہ میں رکھ دیا گیا ہے۔

کراچی میں کورونا وائرس کا ایک اور مریض سامنے آگیا

خیال رہے کہ اب تک ملک میں کورونا وائرس کے 8 کیسز سامنے آچکے ہیں جن میں سے کراچی میں 5، اسلام آباد میں 2 جب کہ گلگت بلتستان سے ایک کیس کی تصدیق ہوچکی ہے جبکہ کورونا کے کل مریضوں کی تعداد 16 ہوگئی ہے۔

ان مریضوں میں سے سب سے پہلے سامنے آنے والے کراچی کے یحییٰ جعفری نامی نوجوان کو صحت یابی کے بعد اسپتال سے ڈسچارج کردیا گیا ہے جب کہ باقی تمام متاثرہ افراد زیر علاج ہیں۔

یاد رہے کہ اس سے قبل وزیراعلیٰ سندھ کی زیرصدارت کرونا وائرس ٹاسک فورس کا اجلاس ہوا جس میں کرونا وائرس کا ایک اور کیس سامنے آنے کی تصدیق کی گئی۔

وزیراعلیٰ کے ترجمان کے مطابق آج کرونا وائرس کے 4 ٹیسٹ کیے گئے جن میں سے تین کے منفی جبکہ ایک کا مثبت نتیجہ آیا، مریض کا تعلق کراچی سے ہے۔

وزیراعلیٰ کے ترجمان کا کہنا تھا کہ 50سالہ شخص میں کرونا وائرس کی تصدیق ہوئی اور متاثرہ شخص کو  آغا خان اسپتال کے آئسولیشن وارڈ میں شفٹ کر دیا گیا ہے

محکمہ صحت سندھ کے مطابق  متاثرہ شخص حال ہی میں ایران سے سفر کرکے واپس پاکستان آیا تھا، پاکستان واپسی پر اس کی طبیعت خراب ہونے پر اسے ہسپتال لایا گیا جہاں ٹیسٹ کے دوران اس میں کرونا وائرس کی تصدیق ہوگئی۔

گزشتہ روز پاکستان میں کروناوائرس کے پہلے مریض کو صحتیابی کے بعد اسپتال سے ڈسچارج کردیا گیا تھا۔

 ذرائع کے مطابق22 سالہ نوجوان یحییٰ جعفری اسپتال سے ڈسچارج ہو کر رشتہ داروں کے گھر شفٹ ہو گئے، یحییٰ جعفری کچھ دنوں تک رشتہ داروں کے گھر قیام کریں گے۔

ترجمان سندھ حکومت مرتضیٰ وہاب نے مریض کے صحت یاب ہونے سے متعلق اعلان کرتے ہوئے کہا تھا بہت خوشی ہےسندھ میں کرونا وائرس کا پہلا مریض صحتیاب ہوا، علاج کےبعد مریض کا کرونا ٹیسٹ منفی آیا ہے، نوجوان کو جلد اسپتال سے ڈسچارج کیا جائے گا۔