سندھ بھر میں کرونا وائرس کے 14 مریضوں میں سے ایک اور مریض صحتیاب اسپتال سے ڈسچارج کردیا گیا ہے۔

سندھ حکومت کے ترجمان مشیر  قانون ، ماحولیات و ساحلی ترقی بیرسٹر مرتضی وہاب نے اپنے ٹوئیٹ میں بتایا ہے کہ سندھ میں درج ہونے والے 14 کیسز میں سے ایک مریض مکمل طور پر صحتیاب ہوگیا ہے۔

انہوں نے کہا ہے کہ باقی 13 مریضوں میں کو مختلف اسپتالوں کے آئسولیشن وارڈز میں رکھا گیا ہے۔

تعلیمی ادارروں کے لئے ہیلتھ ایڈوائزری جاری

یاد رہے کہ مرتضیٰ وہاب کے مطابق لاڑکانہ میں  کرو نا وائرس کے مریض کی تشخیص کی خبر میں کوئی صداقت نہیں ہے۔

یاد رہے کہ اس سے قبل کرونا وائرس کی روک تھام کے لئے سندھ حکومت نے وفاقی حکومت کو مدد کے لئے خط لکھا گیا ہے۔

خط میں کہا گیا ہے کہ بیرون ملک سے آنے والے مسافروں کے لیے کراچی ائیرپورٹ پر قرنطینہ قائم کیا جائے، قرنطینہ کے قیام میں سندھ حکومت ہر ممکن معاونت فراہم کرے گی۔

خط کے متن میں سندھ حکومت کی جانب سے کہا گیا ہے کہ قرنطینہ کے قیام سے بیرون ملک سے آنے والوں کو رکھنے میں معاونت ملے گی جبکہ فلو، نزلہ زکام، جسم کا درد، بخار میں مبتلا افراد کو قرنطیہ میں رکھنے کی تجویز بھی ظاہر کی گئی ہے۔

مزید کہا گیا ہے کہ ائیرپورٹ پر قرنطیہ کے قیام کے بعد مشکوک افراد کو رکھا جاسکے گا کیونکہ سندھ میں اب تک کورونا وائرس کے 14 کیسسز سامنے آچکے ہیں۔

خط میں بتایا گیا ہے کہ سندھ میں کورونا وائرس کے تمام مریض جناح انٹرنینشل ائیرپورٹ سے آئے ہیں جبکہ کورونا وائرس سے شہری علاقے متاثر ہوئے ہیں۔