ملک میں آج مزید 45 مریضوں نے کورونا وائرس کو شکست دے دی جس کے بعد ملک میں کورونا سے صحتیاب مریضوں کی کل تعداد 1053 ہو گئی ہے ۔

تفصیلات کے مطابق آج  صوبہ سندھ ، بلوچستان اور گلگت بلتستان میں کورونا وائرس سے متاثر 45 مریضوں کے صحتیاب ہونے کی تصدیق ہوئی جن میں سے 3 مریض گلگت بلتستان ، 24 مریض بلوچستان میں جبکہ 18 مریض سندھ میں صحتیاب ہوئے جس کے بعد ملک بھر میں اب تک کرونا وائرس سے صحت یاب ہونے والوں کی مجموعی تعداد 1000 سے تجاوز کر گئی۔

 اعداد وشمار کے مطابق پاکستان میں مہلک وائرس سے اب تک 1053 افراد صحتیاب ہوچکے ہیں جن میں سے 371 مریضوں کا تعلق سندھ، 149 مریضوں کا تعلق گلگت بلتستان، 13 مریضوں کا تعلق اسلام آباد، 142 مریضوں کا تعلق خیبر پختونخوا ،119 مریضوں کا تعلق بلوچستان اور 258 مریضوں کا تعلق پنجاب سے جبکہ 1 مریض کا تعلق آزاد کشمیر سے ہے۔

دوسری جانب آج خیبرپختونخوا میں کورونا سے مزید 3اموات ہوئی جس کے بعد صوبے بھر کورونا وائرس سے جاں بحق افراد کی مجموعی تعداد 34 ہوگئی ہے۔

ملک میں کورونا سے صحتیاب مریضوں کی کل تعداد 750 ہو گئی

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 30 ، بلوچستان میں 2 ، خیبرپختونخوا میں 34 ، اسلاآباد میں 1، گلگت بلتستان میں 3 ، پنجاب میں 21 افراد جان کی بازی ہار چکے ہیں۔

واضح رہے کہ ملک میں کورونا وائرس کے آج مزید 195 فراد میں مہلک وائرس کی تشخیص ہوئی جن میں سندھ سے 93 ، پنجاب میں 40، بلوچستان میں 2 خیبرپختونخوا میں 47 گلگت بلتستان میں 8 اور آزاد کشمیر میں 5 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 5233 تک پہنچ گئی ہے۔