ملک میں آج مزید 11 مریضوں نے کورونا وائرس کو شکست دے دی جس کے بعد ملک میں کورونا سے صحتیاب مریضوں کی کل تعداد 124 ہو گئی ہے ۔

تفصیلات کے مطابق وزیر صحت سندھ ڈاکٹر عذرا پیچوہو نے آج سندھ میں کرونا وائرس سے متاثر 11 مریضوں کے صحتیاب ہونے کی تصدیق کردی جس کے بعد ملک بھر میں اب تک کرونا وائرس سے صحت یاب ہونے والوں کی مجموعی تعداد 125 ہوگئی ہے۔

وزیر صحت سندھ ڈاکٹر عذرا پیچوہو نے مزید کہا کہ سکھر کے آئسولیشن وارڈ میں زیر علاج 2 زائرین جبکہ کراچی سے 7 مریض صحتیاب ہوئے ہیں جس کے بعد سندھ میں کرونا وائرس سے صحت یاب ہونے والوں کی تعدادا 65 ہو گئی ہے۔

 اعداد وشمار کے مطابق پاکستان میں مہلک وائرس سے اب تک 125 افراد صحتیاب ہوچکے ہیں جن میں سے 65 مریضوں کا تعلق سندھ، 4 مریضوں کا تعلق گلگت بلتستان، 3 مریضوں کا تعلق اسلام آباد، 30 مریضوں کا تعلق خیبر پختونخوا ،17 مریضوں کا تعلق بلوچستان اور 6 مریضوں کا تعلق پنجاب سے ہے۔

سندھ میں مزید 10 مریضوں نے کورونا کو شکست دے دی،مجموعی تعداد 82 ہو گئی

یاد رہے کہ ملک میں کورونا وائرس کے آج 157 افراد میں مہلک وائرس کی تشخیص ہوئی جن میں سندھ سے 54  ، خیبرپختونخوا میں 23 ،بلوچستان میں 5، پنجاب میں 69، اسلام آباد میں 4 اور گلگت بلتستان میں 4 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 2382 تک پہنچ گئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 761 ، بلوچستان میں 169 ، خیبرپختونخوا میں 276 ،اسلام آباد میں 62  ، گلگت بلتستان میں 191 ، پنجاب میں 914 اور آزاد کشمیر میں 9 مریض موجود ہے۔