ملک بھر میں ہلاکتوں کی تعداد میں اضافہ ہورہا ہے اور کورونا وائرس میں مبتلا مریضوں میں اب تک 305 مریض اپنی جان کی بازی ہار چکے ہیں۔

تفصیلات کے مطابق ملک بھر میں کورونا وائرس میں مبتلا مریضوں کی تعداد میں روزبا روز اضافہ ہورہا ہے جبکہ اسی طرح اموات کی شرح  میں بھی اسی نوعیت سے اضافہ ہورہا ہے اور اب تک 305 اموات واقع ہوچکی ہیں۔

آج کی بتاریخ 28 اپریل کے مطابق ملک بھر میں کورونا وائرس کے باعث 12 نئی اموات دیکھنے میں آئی ہیں جس کے بعد کل تعداد 305 ہوگئی ہے۔

یاد رہے اس سے قبل  ترجمان محکمہ صحت سندھ کے جاری اعداد و شمار کے مطابق سندھ بھر میں چوبیس گھنٹوں کے دوران 341 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 4956 ہوگئی ہے۔

کورونا وائرس کے مریضوں کی تعداد 14000 سے بڑھ گئی

ترجمان محکمہ صحت سندھ نے کہا کہ کراچی میں کورونا وائرس میں مبتلا 4 مریض دم توڑ گئے جسکے بعد سندھ بھر میں جانبحق ہونے والوں کی مجموعی تعداد 85 ہوگئی تاہم سندھ بھر میں کورونا وائرس سے متاثرہ زیر علاج 83 مریض صحتیاب ہوگئے جسکے بعد سندھ بھر میں 925 کورونا سے متاثرہ مریض صحتیاب ہوچکے ہیں۔

دوسری جانب بلوچستان میں 72 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 853 ہوگئی ہے جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 120 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 1984 ہوگئی ہے ۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 80 کیسز کی تصدیق ہوئی ہے جس کے بعد صوبے بھر میں مجموعی تعداد 5526 ہو گئی۔

دریں اثناء آج اسلام آباد میں کرونا وائرس کے مزید 10 کیسز کی تصدیق ہوئی ہے جس کے بعد صوبے بھر میں کورونا کے کیسز کیتعداد 235 ہوگئی ہے ۔