پاکستان میں کورونا وائرس کے مزید 2680 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 62836 تک پہنچ گئی ہے۔

تفصیلات کے مطابق ملک میں کورونا وائرس کے آج  مزید 2680 افراد میں مہلک وائرس کی تشخیص ہوئی جن میں سندھ سے 1103 ، اسلام آباد میں 136،  پنجاب میں 919 ، گلگت بلتستان میں 11 جبکہ خیبرپختونخوا میں  359 ، بلوچستان میں  147 اور آزاد کشمیر میں 5 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 25309 ، بلوچستان میں 3736 ، خیبرپختونخوا میں 8842 ،اسلام آباد میں 2015 ، گلگت بلتستان میں 651 ، پنجاب میں 22037 اور آزاد کشمیر میں 219 مریض موجود ہے۔

یاد رہے اس سے قبل  ترجمان محکمہ صحت سندھ کے جاری اعداد و شمار کے مطابق سندھ بھر میں 1103 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 25309 ہوگئی ہے۔

دوسری جانب آزاد کشمیر میں 5 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 219 ہوگئی ہے جبکہ گلگت بلتستان میں 11 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 651 ہوگئی ہے۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 919 کیسز کی تصدیق ہوئی ہے جس کے بعد صوبے بھر میں مجموعی تعداد 22037 ہو گئی جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 359 افراد میں کوروناوائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 8842 ہوگئی ہے۔