سندھ حکومت نے صوبے میں 6 انفیکشن ڈیزیز اسپتال بنانے کا فیصلہ کرلیا۔
تفصیلات کے مطابق چیف سیکریٹری سندھ سید ممتاز علی شاہ اور صوبائی وزیر صحت عذرا پیچوہو کی زیرصدارت صحت سے متعلق اجلاس ہوا۔
اجلاس میں محکمہ صحت نے ترقیاتی منصوبوں پر بریفنگ دی جس میں بتایا گیا کہ دسمبر 2020 تک 88 اسکیمیں مکمل کی جائیں گی۔
چیف سیکریٹری سندھ سید ممتاز علی شاہ نے بتایا کہ کراچی میں 400 ، حیدرآباد، سکھر، لاڑکانہ، میرپور خاص اور شہید بینظیر آباد میں 200 بستروں پر مشتمل انفیکشنز ڈیزیز اسپتال بنائے جائیں گے۔
اجلاس میں لمس جامشورو میں آئی سی یو کی اپگریڈیشن کے لیے 180 ملین روپے کی بھی منظوری دی گئی۔
Advertisement
ممتاز علی شاہ نے مزید کہا کہ کورونا وائرس صورتحال کے پیش نظر محکمہ صحت کو تمام فنڈز جاری کیے جارہے ہیں۔
صوبائی وزیر صحت عذرا پیچوہو نے کہا کہ انفیکشنز ڈیزیز اسپتال کے لیے ماہر کنسلٹنٹ مقرر کیا جائے گا۔کورونا وائرس کے پیش نظر کراچی میں 400 بستروں پر مشتمل انفیکشنز ڈیزیز اسپتال جلد فعال کیا جائے گا۔
صوبائی وزیر صحت نے مزید کہا کہ پیرامیڈیکل اسٹاف کی ٹریننگ کے لیے بھی ایک ادارہ بنا رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
