ہوم قرنطینہ ایس او پیز کے نفاذ کے معاملے پر پنجاب نے ایس اوپیز پر وفاق سے رہنمائی مانگ لی ہے۔

وزیراعلی پنجاب عثمان بزدار نے ایس او پیز کی اصولی منظوری دیدی ہے جبکہ وفاق کی اجازت کے بعد ہوم قرنطینہ کا نفاذ پنجاب میں کیا جائے گا۔

یاد رہے کہ گزشتہ روز وزیراعلی عثمان بزدار کو ایس او پیز پر بریف کیا گیا تھا۔
ہوم قرنطینہ سے متعلق عالمی معیار کے مطابق گائیڈ لائنز فراہم کی جائیں گی،قرنطینہ کے معیار سے متعلق ضروری نکات سے تحریری طورپر آگاہ بھی کیا جائے گا۔

حکومت کی مقرر کردہ ٹیم گھروں میں جا کر قرنطینہ کے معیار کو چیک کرسکیں گی اور بیرون ملک سے آنے والے شہریوں کو 14دن تک زیر نگرانی رکھنا ضروری ہوگا جبکہ ہوم قرنطینہ اپنانے پرشہری کو بیان حلفی دینا ہوگا

دوسری جانب صوبائی وزیر صحت سندھ نے بھی ہوم قرنطینہ سے متعلق عوام کو آگاہ کردیا ہے اور بتایا ہے  کہ آپ کو علامات ہیں تو خود ٹیسٹ کروالیں اور جو گھر میں آئسولیشن میں رہنا چاہتا ہے اس کی گھر پولیس نہیں جائے گی۔

انہوں نےکہا کہ کسی کے ساتھ زور زبردستی نہیں کی جائے گی، جب ٹیسٹ پازیٹیو آئے تو خود آئسولیشن سینٹر چلے جائیں۔

صوبائی وزیر صحت کا ویڈیو بیان میں کہا کہ یہ آپ کا حق ہے کہ آپ کس طرح علاج کرانا چاہتے ہیں، ضلعی انتظامیہ اور پولیس آپ کے گھروں پر نہیں آئے گی۔

انہوں نے مزید کہا کہ ہم نہ زبردستی کر رہے ہیں اور نہ ہی کرنا چاہ رہے ہیں اور نا ہی ضلعی انتظامیہ اور حکومت آپ کے ساتھ زبردستی نہیں کرے گی۔

علاج کے سلسلے میں آپ اپنی مرضی چلائیں کیونکہ لوگ ٹیسٹ اس لئے نہیں کروارہے ہیں کہ انھیں زبردستی آئسولیشن سینٹر لیجائیں گے جو کہ ایسا نہیں ہے۔