پاکستانی مینوفیچرنگ انڈسٹری کے لیے اچھی خبر سامنے آگئی، حکومت نے ملکی اسپتالوں میں استعمال ہونے والے طبی آلات مقامی سطح پر تیارکرنے کا فیصلہ کرلیا۔
تفصیلات کے مطابق حکومت نے ملکی اسپتالوں میں استعمال ہونے والے طبی آلات مقامی سطح پر تیارکرنے کا فیصلہ کرلیا ہے۔ اس ضمن میں وفاقی وزارت صحت اور وزارت سائنس اینڈ ٹیکنالوجی کے درمیان معاہدہ طے پاگیا ہے۔
معاہدے کے تحت پاکستان انجینئرنگ کونسل الیکٹرو میڈیکل آلات کے معیار طے کرے گی اور ان کی ٹیسٹنگ کی ذمہ دار ہوگی۔
پاکستان انجینئرنگ کونسل سے منظور شدہ آلات کے ڈیزائن ڈریپ کو بھجوائے جائیں گے۔ڈریپ طبی آلات کے ڈیزائنز کی حتمی منظوری دے کر مینوفیکچرنگ کے آرڈرز دے گی۔
پاکستان انجینئرنگ کونسل کے چیئرمین جاوید سلیم قریشی نے دونوں وزارتوں کے درمیان معاہدے کی تصدیق کردی ہے۔
Advertisement
چیئرمین انجینئرنگ کونسل جاوید سلیم قریشی کا کہنا ہے کہ مقامی سطح پر انجینئرنگ مصنوعات کی تیاری سے پاکستان کی برآمدت اگلے تین سے چار سال میں سو ارب سے اوپر جاسکتی ہیں ۔
واضح رہے کہ اس سے قبل قانونی پیچیدگیوں کی وجہ سے الیکڑومیڈیکل آلات کی مقامی سطح پر تیاری ممکن نہ تھی۔کورونا وبا ءکے دوران بھی ماسک اور وینٹیلیٹرز بھی بیرون ملک سے درآمد کرنے پڑے تھے ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
