دنیا آگے بڑھ رہی ہے اور ہر روز تیزی سے ترقی کی راہ پر گامزن ہے، اس میں ہر شخص آگے بڑھنے کی ڈور میں شامل ہے اور نہایت مصروف بھی ہے۔

آج کے وقتوں کی مصروف ترین زندگی میں ہر انسان بظاہر تو مصروف اور خوشحال نظر آتا ہے لیکن حقیقت بھی یہی ہو ایسا ہمیشہ ضروری نہیں ہے۔

آج کا معاشرہ جتنا آسائش اور آرام اور بھاگ دوڑ میں مصروف ہےاس میں کس حد تک انسان ذہنی سکون حاصل کرتا ہے اور ذہنی سکون حاصل کرنا کس حد تک ضروری ہے اس بات کا اندازہ لگانا مشکل ہے لیکن ناممکن نہیں۔

اگر دیکھا جائے تو ہر روز ناجانے کتنے لوگ ایسے ہیں جن کو ذہنی سکون حاصل نہیں ہے اور اسکی زد میں آکر وہ خودکشی کاراستہ اختیار کرتے ہیں لیکن کیا آپ یہ بات جانتے ہیں کہ ذہنی سکون ٹیکنالوجی سے بھی حاصل کیا جاسکتا ہے۔

ٹیکنالوجی، آج ہرشخص کے پاس کسی نہ کسی صورت میں موجود ہے جسکے استعمال سے آپ ضرور ذہنی سکون حاصل کرسکتے ہیں۔

ورچوئل ریئلیٹی:

یہ ایک ایسی ٹیکنالوجی ہے جس کے استعمال سے لوگوں کے ذہنوں میں بیٹھے ڈر کو ختم کیا جاسکتا ہے اور ذہنی سکون مہیا کیا جاسکتا ہے۔

سوشل میڈیا:

جیسا کہ ہم جانتے ہیں کہ سوشل میڈیا کہ واضح اثرات ہماری زندگی پر مرتب ہوتے ہیں، اس طرح سوشل میڈیا کی مدد سے ہم ان لوگوں تک بھی رسائی حاصل کر سکتے ہیں جو اپنی ذہنی سکون کی تلاش میں رہتے ہیں لیکن پھر بھی کسی سے بات نہیں کرتے ہیں۔

آن لائن تھراپی:

2020 پوری دنیا میں آن لائن کام کا ہر شعبے میں باقاعدہ آغاز کا سال ہے اور آج کی تاریخ میں ذہنی سوکون کے لئے آن لائن تھراپی کی سہولت مہیا کی جاتی ہے۔

یہ خاص طور پران لوگوں کے لئے ہے جو دنیا کو اپنی ذہنی کمزوری اور مرض کے متعلق بتانے پر کتراتے ہیں یا پھر دنیا سے کھچے کھچے رہتے ہیں۔

اس سہولت سے  انسان باآسانی اپنے کنسلٹنٹ سے رابطہ قائم کرتا ہے۔