وزیراعظم کے معاون خصوصی ڈاکٹر فیصل سلطان نے کہا ہے کہ تیسرے مرحلے میں عام عوام کو ویکیسین دی جائے گی۔

تفصیلات کے مطابق ڈاکٹر فیصل سلطان نے پریس کانفرنس کرتے ہوئے بتایا ہے کہ کورونا ویکسین پر کابینہ کو آج بریفنگ دی ہے۔

ڈاکٹر فیصل سلطان نے کہا ہے کہ کابینہ نے ویکیسین تیاری کے لیے 150 ملین ڈالر کی منظوری دے دی ہے اور ویکیسین تیاری کے لیے 7 کمپنیوں کو شارٹ لسٹ کیا گیا ہے۔

ان کا کہنا تھا کہ فرنٹ لائن ہیلتھ ورکرز کو میڈیسن کی فراہمی اولین ترجیح ہو گی، اس کے بعد زیادہ عمر کے لوگوں کو ویکیسین دی جائے گی جبکہ تیسرے مرحلے میں عام عوام کو ویکیسین دی جائے گی۔

انہوں نے بتایا کہ کابینہ کی جانب سے کورونا میں استعمال ہونے والے انجیکشن کی قیمت میں کمی کی گئی ہے تاہم ویکسین کی شفافیت کے لیے ایک کمیٹی بنانے کی بھی تجویز دی گئی ہے۔