کرسمس کی چھٹیوں کے موقع پر این سی او سی کی جانب سے ایس او پیز جاری کردی گئیں ہیں۔

این سی او سی جاری کردہ ایس او پیز کے مطابق کرسمس کی چھٹیوں کے دوران کم سے کم ضروری سفر کرنے اور سماجی دوروں اور تقریبات میں شرکت سے گریز کرنے کی ہدایات جاری کی گئیں ہیں۔

دوسری لہر کے درمیان بڑے پیمانے پر گھریلو اجتماعات سے پرہیز کریں کیونکہ تحفے کے روایتی تبادلے سے وائرس پھیلنے کا امکان ہے۔

چرچ میں کرسمس کی دعائیں کیلئے داخل ہونے والوں کی تھرمل اسکریننگ کا اہتمام کیا جانا چاہئے تاہم چرچ کے دروازے پر ہینڈ سینیٹائزر کی فراہمی یقینی بنائیں۔

این سی او سی کے مطابق حکومت پاکستان نے لوگوں کوصحت اور حفاظت کے فروغ کے لئے فعال کردار ادا کرنے کی ہدایات کیں ہیں تاہم کرسمس کے دن چرچ کے کھڑکیاں اور دروازے ہوا داری کیلئے کھول دئیے جائیں اور چرچ میں کوئی قالین یا میٹ نہیں رکھی جائیں گی۔

کرسمس کی تقریب کے دوران دعا کے دوران ہر شخص کو دوسرے شخص سے کم از کم ایک میٹر کے فاصلے سے بیٹھنا چاہئے اور ہر شخص کو سرجیکل ماسک پہننا چاہئے۔

چرچ میں داخل ہونے یا باہر جانے کے وقت بھیڑ سے بچیں اور چرچ کی دعا میں 15 سال سے کم عمر بیمار اور بوڑھے اور بچوں کی حوصلہ شکنی کریں۔