کورونا وباء، جو کہ گزشتہ ڈھائی سال سے اس دنیا مں انسانی جان کے لئے خطرے کا سبب بنی ہوئی ہے۔

اس وباء سے متاثر ہو کر اب تک متعدد افراد موت کی گھاٹ اٹر چکے ہیں جبکہ بہت سے افراد اب بھی اس وباء کا شکار ہیں اور بیشتر افراد کو کورونا کا شکار ہونے کا خدشہ ہے۔

اس حوالے سے کی جانے والی مختلف تحقیقات میں بہت سے انکشافات ہوتے ہیں جو کہ پریشانی کا باعث بن جاتے ہیں۔

حال میں کورونا وباء کے پھیلنے کے حوالے سے ایک تحقیق کی گئی ہے جس میں انکشاف ہوا ہے کہ کورونا کے متاثرہ افراد ابتدائی دنوں میں وباء کو پھیلانے کا سبب بنتے ہیں۔

یہ تحقیق امریکا میں بوسٹن یونیورسٹی اسکول آف پبلک ہیلتھ میں کی گئی ہے جس میں 9 ہزار کے قریب نزدیکی افراد کا جائزہ لیا، ان میں گھر کے افراد، دفتری ساتھی، اسپتال میں کام کرنے والے افراد اور رائیڈ شیئرنگ گاڑیوں کو چلانے والے شامل تھے۔

تحقیق میں معلوم کیا گیا کہ کووڈ سے متاثر افراد علامات کے ابھرنے سے 2 دن پہلے اور 3 دن بعد سب سے زیادہ متعدی ہوتے ہیں۔

تحقیق میں یہ بھی معلوم ہوا کہ اگر کسی شخص میں کرونا وائرس علامات پیدا کیے بغیر اس سے دوسرے فرد میں منتقل ہو، تو اس میں بھی علامات ظاہر ہونے کا امکان بہت کم ہوتا ہے۔

ان نتائج سے عندیہ ملتا ہے کہ پہلے کیس سے دیگر میں بیماری کی منتقلی کا وقت وائرس کے پھیلاؤ کے لیے اہمیت رکھتا ہے، اور اس خیال کی اہمیت ظاہر ہوتی ہے کہ ریپڈ ٹیسٹنگ اور بیمار فرد کو قرنطینہ میں منتقل کرنا وبا کو قابو میں کرنے کے لیے اہم قدم ہے۔