مایوسی، بے چینی اور ڈپریشن سے پورا جسم متاثرہوتا ہے اور اگر یہ عارضہ مستقل ہوجائے تو اس سے فالج سے متاثر ہونے کا خدشہ بڑھ جاتا ہے۔

ماہرین کے مطابق اس کیفیت کے دوران انسان کو اچھی اور بہتر غذا لینے کی ضرورت ہوتی ہے کیونکہ اکثر اوقات انسان ڈپریشن کے دوران سیگریٹ کا استعمال زیادہ کردیتا ہے اور کھانا بھی کم کھاتا ہے جو کہ جسمانی طور پر انسان کو کمزور کرتی ہے۔

یہ کہنا آسان نہیں کہ کھانے یا پینے کی کون سی غذائیں آپ کے ڈپریشن کا علاج کر سکتی ہے، لیکن یہ ضرور کہا جا سکتا ہے کہ مجموعی طور پر غذائیت سے بھرپور اچھی خوراک آپ کی ذہنی صحت کے لیے بھی مفید ہے۔

ڈپریشن کے مریض کے لئے مفید ہے کہ وہ وٹامن سی، وٹامن ڈی، بی وٹامنز، میگنیشیم، سیلینیم اور زنک، کاربوہائیڈریٹس، اومیگا -3فیٹی ایسڈز کا استعمال کریں۔

اسکے علاوہ کونسی غذائیں ڈپریشن کے مریض کو دینی چاہیئے جس سے اس کا ڈپریشن کم کیا جاسکتا ہے۔

چاکلیٹ:

ماہرین کا کہنا ہے کہ چاکلیٹ ہمارے جسم کی بے چینی اور ذہنی تناؤ میں 70 فیصد تک کمی کرسکتی ہے۔

اسکے علاوہ چاکلیٹ کھانا انسانی صحت کے لیے نہایت مفید ہے، یہ دماغی کارکردگی، قوت مدافعت، خون کی روانی اور اعصاب کی کارکردگی میں اضافہ، وزن میں کمی اور امراض قلب، فالج اور جلدی بیماریوں سے تحفظ فراہم کرتی ہے۔

انڈے:

انڈوں میں موجود وٹامن ڈی ڈپریشن میں کمی کرتا ہےجبکہ مختلف موسمی بیماریوں جیسے کھانسی، نزلہ اور سردی سے بچاؤ فراہم کرتے ہیں۔

اخروٹ:

اخروٹ کا استعمال جسم کو ذیابیطس سے تحفظ فراہم کرتا ہے جبکہ جسم کو تناؤ میں مبتلا کرنے والے ہارمون میں بھی کمی کرتا ہے۔

کیلا:

دن کے آغاز میں کیلے کا استعمال آپ کو دن بھر توانا اور چاق و چوبند کھتا ہے جبکہ ڈپریشن اور دماغی تناؤ میں کمی کے لیے بھی معاون ثابت ہوتا ہے۔

پانی

دماغ کے لیے آخری اہم چیز پانی ہے، ہمارے دماغ کا سب سے بڑا حصہ پانی پر ہی مشتمل ہے، پانی میں معمولی سی کمی بھی آپ کو ذہنی صحت کے مسائل سے دوچار کر سکتی ہے، جیسا کہ چڑچڑا پن اور توجہ کے ارتکاز میں کمی وغیرہ۔