آسٹریلیا کی یونیورسٹی آف نیو ساؤتھ ویلز (یو این ایس ڈبلیو) کی ایک نئی تحقیق  میں کہا گیا ہے کہ کوویڈ-19 سے بہتر طور پر محفوظ رہنے کے لئے ویکسین کی تیسری بوسٹر خوراک لگوانا ضروری ہے۔

لینسٹ مائیکروب جرنل میں شائع یہ تحقیق ویکسین کی افادیت کی پیش گوئی کے حوالے سے پہلی اور سب سے بڑی تحقیق ہے۔

تحقیق سے یہ بات سامنے آئی ہے کہ ویکسین کی افادیت کو 50 فیصد سے زیادہ رکھنے کے لیے، ابتدائی دو خوراکیں لگوانے کے ایک سال کے اندر بوسٹر خوراک ضروری ہوگی۔

تحقیق  کے سرکردہ مصنف، اور یو این ایس ڈبلیو کے کربی انسٹی ٹیوٹ میں انفیکشن ایپیڈیمولوجی اینڈ پالیسی اینالیٹکس گروپ کی رہنما، ڈاکٹر ڈیبورا کرومر نے کہا کہ تیزی سے پھیلنے والی ڈیلٹا جیسی وائرس کی اقسام نےوقت کے ساتھ موجودہ ویکسین کے خلاف شدید مزاحمت ظاہر کی ہے۔

کرومر نے کہاکہ ہماری تحقیق سے یہ بات سامنے آئی ہے کہ  وائرس  کی ڈیلٹا  جیسی دیگر اقسام کے نتیجے میں کوویڈ-19 کے خلاف ویکسین کی کم افادیت ہوتی ہے۔یہ افادیت وقت کے ساتھ کم ہوتی جاتی ہے،اینٹی باڈی کی سطحوں کے تجزیے کی بنیاد پر اس کمی کا معلوم ہوا ہے۔

انہوں نے کہا کہ اس تحقیق کے بڑے اثرات مرتب ہوں گے کیونکہ دنیا بھر کے ممالک  اپنے معاشروں  میں  وبا کے خلاف اعلیٰ سطح کے تحفظ کو برقرار رکھنا چاہتے ہیں۔