طب کی دنیا میں نت نئی تحقیقات اور ٹیکنالوجی کی مدد سے علاج  کے لئے جدت دیکھی جاتی ہے جبکہ یہ ایک ایسا شعبہ ہے جس میں روز کی بنیاد پر جدت پائی جاتی ہے۔

اسی خیال کو مد نظر رکھتے ہوئے ماہرین نے ایک ایسی سلائیڈ تیار کی ہے جس کا رنگ مرض کی شدت کے باعث بدل جاتا ہے۔

اس سلائیڈ کو نینو ایم سلائیڈ کا نام دیا گیا ہے جسے پلازمون فزکس کی بنیاد  پر بنایا گیا ہے جس میں چارج شدہ ذرات میں الیکٹرون کی طرح تھرتھراہٹ ہوتی ہے۔

اس میں چاندی کے ذرات کی باریک پرت چڑھائی جاتی ہے اور آزاد پھرنے والے الیکٹرون کے لئے فیلڈ بن جاتا ہے۔

چاندی کی پرت میں نینوپیمانے کے باریک سوراخ پر جب روشنی پڑتی ہے تو وہ خلوی نمونے (سیمپل) سے گزرتی ہے اور یہاں کئی رنگ منتخب ہوجاتے ہیں۔

اس طرح رنگوں کا ایک طیف بنتا ہے جو فیلڈ میں موجود آزاد الیکٹرون کی بنیاد پر تشکیل پاتا ہے۔

اس طرح یہ نینوسلائیڈ جب خردبین کے نیچے رکھی جاتی ہے تو ایک طرح کا سینسر بن جاتی ہے اور یوں کینسر زدہ خلیات مخصوص رنگ میں دکھائی دیتے ہیں۔

اس طرح نمونے میں مرض کی شناخت آسان ہوجاتی ہے، اس سے نمونوں کو کوئی نقصان نہیں پہنچتا اور بہت آسانی سے کینسر زدہ خلیات (سیلز) کی شناخت ہوجاتی ہے۔