فوڈ اینڈ ڈرگ ایڈمنسٹریشن نے ورچوئل ریئلٹی سسٹم کو دائمی کمر درد کا علاج کرنے کی اجازت دے دی۔ ایز وی آر ایکس نامی تھیراپی ڈیجیٹل تھیراپیوٹکس کی مختصر فہرست کا حصہ بن گئی ہے۔

ایز وی آر ایکس مین ایک وی آر ہیڈ سیٹ اور ایک ڈیوائس شامل ہے جو استعمال کرنے والے کی سانس کی آواز کو بڑھاکر سانس لینے کی ایکسرسائز میں مدد کرتی ہے۔

یہ تھیراپی کاگنیٹو بیہیویر تھیراپی کے اصولوں کو استعمال کرتی ہے جس کا مقصد لوگوں کی دیگر خیالات اور احساسات کو پیچاننے اور سمجھنے میں مدد کرنا ہوتا ہے۔

جاری بیان مین ایف ڈی اے کا کہنا تھا کہ یہ پروگرام تکلیف کا علاج راحت، عدم توجہی اور اندرونی سگنلز کی بہتر آگہی کے ذریعے کرتا ہے۔

ایف ڈی اے نے ایز وی آر ایکس کی اجازت آٹھ ہفتوں کی تحقیق کا ڈیٹا دیکھنے بعد دی ہے۔

تحقیق میں 179 افراد جنہیں چھ ماہ یا اس سے زیادہ عرصے سے کمر کا درد تھا، آدھوں کو ایز وی آر ایکس کا استعمال کروایا گیا جبکہ باقیوں کو ٹو ڈائمنشنل ورچوئل ریئلیٹی کا استعمال کروایا گیا۔

ایز وی آر ایکس استعمال کرنے والے دو تہائی شرکاء کا کہنا تھا کہ ان کی تکلیف میں 30 فیصد کمی آئی ہے۔

ایف ڈی اے کے ایک افسر کرسٹوفر لوفٹس کا کہنا تھا کہ وی آر سسٹم نشہ آور ادویات کا متبادل ہوسکتا ہے۔

تحقیق سے معلوم ہوا کہ کچھ لوگوں کےلیے دائمی تکلیف کےلیے نفسیاتی طریقہ کار اثرانداز ہوسکتا ہے۔