سائنسدانوں کو الزائمر کے علاج میں ایک بڑی کامیابی حاصل ہوئی ہے جس میں دوا کے 15 پاؤنڈز فی ڈوز سے بیماری کو روکا یا ختم کیا جاسکے گا۔

دی مرر کی رپورٹ کے مطابق چوہوں پر کیے جانے والے تجربوں میں معلوم ہوا کہ دوا کے ڈوز نے دماغ میں سرخ پروٹینز کو ختم کیا اور یادداشت بحال کی۔

برطانوی اور جرمن محققین کے مطابق اس تھیراپی میں علاج میں انقلاب برپا کرنے کی صلاحیت ہے۔

تحقیق کے شریک مصنف پروفیسر ٹھامس بائیر کا کہنا تھا ’کلینکل ٹرائلز میں کسی بھی علاج نے الزائمر کی علامات کم کرنے جتنی کامیابی حاصل نہیں کی۔کچھ نے منفی سائیڈ افیکٹ بھی دِکھائے۔ لہٰذا ہم نے مختلف طریقے کا فیصلہ کیا۔‘

انہوں نے کہا ’ہم نے چوہوں میں ایسی اینٹی باڈی کی شناخت کی جو ایمیلائڈ بیٹا کے ذرات کو غیر فعال کردیتے لیکن عام قسم کے پروٹینز سے نہیں جُڑتے۔‘

ٹیم نے TAP01 نامی اینٹی باڈی بدلہ تاکہ ہمارا مدافعتی نظام اس کو باہر کا نہ سمجھے۔

ٹیسٹ میں اینٹی باڈی اور انجینیئرڈ ویکسین دونوں نے دماغ کے نیورون فنکشن کی مرمت کی اور دماغ میں گلوکوز میٹابولزم بڑھایا، جس سے چوہوں کی یادداشت واپس آئی۔

شریک مصنف پروفیسر مارک کار کا کہنا تھا ’اگر انسانوں پر ٹرائلز میں بھی نتائج ایسے ہی آئے تو پھر یہ انقلاب پزیر ہوسکتا ہے۔