جمعرات کو منظوری پانے والے آنکھوں کا نیا ڈراپ لاکھوں امریکیوں کی زندگیاں بدل دے گا۔

فوڈ اینڈ ڈرگ ایڈمنسٹریشن سے اکتوبر میں منظوری پانے والا ڈراپ ’ووئیٹی‘ ممکنہ طور پر 12 کروڑ 80 لاکھ کے قریب پڑھنے کےلیے چشمہ لگانے والوں کے چشمے اتروادے گا۔

کمپنی کے مطابق یہ نئی دوا 15 منٹ میں اپنا اثر دِکھاتی ہے۔ دونوں آنکھوں میں ایک ایک قطرہ چھ سے 10 گھنٹوں کے لیے نگاہیں تیز کر دیتا ہے۔

کلینکل ٹرائل میں شریک ہونے والے 750 شرکاء میں سے ایک ٹونی رائٹ نے کہا جو انہوں نے دیکھا انہیں پسند آیا۔ یہ زندگی بدل کر رکھ دے گا۔

ٹرائل سے قبل رائٹ کو صاف دیکھنے کے لیے اپنے نظر کے چشمے ہر جگہ اپنے ساتھ رکھنے ہوتے تھے۔

انہوں نے کہا ’میں انحراف میں تھیں کیوں کہ میرے لیے گلاس پہن کر رکھنا بوڑھے ہونے کی نشانی تھی۔‘

2019 میں ان کی ڈاکٹر نے انہیں آنکھوں کے نئے قطروں کے متعلق بتایا جو ان کی نظر کے مسائل ٹھیک کر سکتا تھا۔

انہوں نے کہا ’مجھے میرے چشموں کی اب اتنی ضرورت نہیں ہوگی، بالخصوص کمپیوٹر پر، جہاں مجھے ان کو آنکھوں پر لگائے رکھنا ہوتا تھا۔‘

’ووئیٹی‘ ایف ڈی اے سے تصدیق شدہ پہلا آئی ڈراپ ہے جو عمر کے حوالے دھندلی قریب کی نظروں کا علاج کرے گا۔

ٹرائل کے پرنسپل انویسٹیگیٹر ڈاکٹر جارج ویرنگ کا کہنا تھا کہ دوا پُتلی کا سائز چھوٹا کرنے کی آنکھ کی قدرتی صلاحیت کا استعمال کرتی ہے۔