جنوبی کوریا کو فائزر کی اینٹی وائرل کووڈ-19 کی گولیوں کی پہلی کھیپ موصول ہوگئی۔

جمعرات کے روز جنوبی کوریا کو معمولی علامات رکھنے والے کووڈ مریضوں کے علاج کے لیے فائزر کی اینٹی وائرل گولیوں کی پہلی کھیپ موصول ہوگئی۔

حکام نے بتایا کہ Paxlovid گولیاں اسپتال میں داخلوں اور اموات کو کم کرنے کے لیے اہم چیز ہیں، جبکہ ملک اومیکرون ویریئنٹ کے سبب ایک اور ممکنہ ریکارڈ کیسز کے اضافے کی طرف جا سکتا ہے۔

جنوبی کوریا کو کی جانے والی ابتدائی سپالئی اتنی ہے کہ 21 ہزار لوگوں کو پانچ دن کا کورس کرایا جاسکے۔

حکام کا کہنا ہے کہ جنوری کے آخر میں آنے والا گولیوں کا دوسرا بیچ اتنا ہوگا کہ نزئد 10 ہزار لوگوں کو پانچ دن کا کورس کرایا جا سکے گا۔

جنوبی کوریا کے اِنچیون انٹرنیشنل ایئر پورٹ پر ملازمین جہاز سے گولیوں کے کنٹینر اتارتے ہوئے دیکھے گئے۔

گولیوں کو مریضوں کو دینے سے قبل وسطی جنوبی کوریا میں فارماسوٹیکل گوداموں میں رکھا جائے گا۔

ملکی سطح پر مریضوں کو گولیاں دینے کا آغاز جمعے سے ہوگا۔

عالمی سطح پر قلت کے باعث Paxlovid گولیوں کی فراہمی تنگ ہوگی۔ اس لیے شروع میں گولیاں 65 سال یا اس سے زائد عمر کے ان مریضوں کو دی جائیں گی جن کا علاج گھر پر یا شیلٹر میں ہو رہا ہے اور ان میں معمولی علامات ہیں۔

کلینکل آزمائشوں میں یہ بات سامنے آئی ہے کہ یہ دوا اسپتال میں داخلے یا اموات کی شرح 88 فی صد کمی کر سکتی ہے۔