سائنس دانوں نے خبردار کیا ہے کہ اومیکرون کے طوفان نے عملاً اس بات کی یقین دہانی کرا دی ہے کہ یہ کورونا وائرس کا آخر ویریئنٹ نہیں ہوگا جس کے متعلق دنیا کو فکر کرنی چاہیئے۔

ہر انفیکشن وائرس کو یہ موقع دیتا ہے کہ وہ بدل سکے اور اومیکرون کو اپنے سابقہ ویریئنٹس کے اوپر یہ سبقت حاصل ہے کہ یہ دنیا میں ویکسین کے زریعے قوتِ مدافعت کو مضبوط کرنے اور گزشہ بیماری ہونے سے گزرنے کے باوجود بہت تیزی سے پھیلتا ہے۔

اس کا مطلب ہے کہ زیادہ لوگوں میں یہ وائرس مزید تبدیل ہوسکتا ہے۔

ماہرین یہ تو نہیں جانتے کہ اگلے ویریئنٹس کیسے ہوں گے یا وہ عالمی وباء کی صورت اختیار کر سکیں گے، لیکن ان کا کہنا ہے کہ اس بات کی کوئی ضمانت نہیں کہ اومیکرون کی آئندہ اقساط ہلکی بیماری کا سبب ہوں گی یا موجودہ ویکسین ان کے خلاف کام کریں گی۔

بوسٹن یونیورسٹی کے لیونارڈو مارٹینیز کا کہنا تھا کہ جتنا تیز اومیکرون پھیلتا ہے اتنا ہی اس کے تبدیل ہونے کے موقع ہوتے ہیں جو ممکنہ طور پر مزید ویریئنٹس کا سبب ہوتے ہیں۔

اومیکرون کے نومبر کے وسط میں منظر پر آنے کے بعد اس نے دنیا کو اپنی لپیٹ میں ایسے لیا ہے جیسے آگ سُوکھی گھاس کو اپنی لپیٹ میں لیتی ہے۔

تحقیق کے مطابق اومیکرون ویریئنٹ ڈیلٹا ویریئنٹ کی نسبت دُگنی رفتار سے جبکہ حقیقی کورونا وائرس سے کم از کم چار گُنا زیادہ تیزی سے پھیلتا ہے۔